'عظیم ملک کی قیادت کےلیے انتخاب پرفخر محسوس کرتا ہوں '

نومنتخب امریکی صدر نے کہا کہ ’ہمارے لیے آگے کا کام مشکل ہوگا، لیکن میں آپ سے وعدہ کرتا ہوں کہ میں تمام امریکیوں کا صدر ہوں گا، چاہے آپ نے مجھے ووٹ دیا ہو یا نہیں۔ میں یہ سمجھوں گا کہ آپ نے میرے حق میں ہی ووٹ دیا ہے‘۔

امریکہ کے نو منتخب صدر جو بائیڈن نے ہفتہ کو کہا کہ وہ امریکی عوام کے ذریعہ ان پر اور ان کی ساتھی اور نائب صدر عہدہ کی امیدوار کملا ہیرس پر ظاہر کیئے گئے اعتماد کو لے کر اعزاز اور فخر محسوس کررہے ہیں۔ انہوں نے ملک کی عوام سے کہا کہ یہ متحد ہونے کا وقت ہے۔

77 سالہ بائیڈن نے تین نومبر کو ہوئے صدارتی انتخاب میں امریکہ کے اہم اخباراتی اداروں کے ذریعہ انہیں جیت قرار دیئے جانے کے بعد پہلے بیان میں کہا ' میں امریکی عوام کے ذریعہ مجھ پر اور کملا ہیرس پر کیئے گئے اعتماد کو اعزاز اور فخر محسوس کررہا ہوں'

انہوں نے کہا کہ کئی رکاوٹوں کا سامنا کرتے ہوئے بڑی تعداد میں امریکی عوام نے ووٹ کیا۔ اس سے ایک بار پھر یہ ثابت ہوگیا ہے کہ جمہوریت امریکہ کے دل کی گہرائی میں بسا ہے۔

بائیڈن نے کہا ' مہم ختم ہونے کے ساتھ ہی یہ وقت غصہ اور سخت بیان بازی کو پیچھے چھوڑ کر ایک ساتھ آنے کا وقت ہے۔ یہ امریکہ کو متحد کرنے کا وقت ہے۔

جو بائیڈن کا ٹویٹ

جو بائیڈن نے ٹوئٹ میں اپنی کامیابی کا اعلان کرتے ہوئے کہا کہ ’امریکا، مجھے فخر ہے کہ ہمارے عظیم ملک کی قیادت کے لیے آپ نے میرا انتخاب کیا‘۔

انہوں نے کہا کہ ’ہمارے لیے آگے کا کام مشکل ہوگا، لیکن میں آپ سے وعدہ کرتا ہوں کہ میں تمام امریکیوں کا صدر ہوں گا، چاہے آپ نے مجھے ووٹ دیا ہو یا نہیں۔ میں یہ سمجھوں گا کہ آپ نے میرے حق میں ہی ووٹ دیا ہے‘۔

واضح رہے کہ امریکہ میں صدارتی انتخابات کو لے کر جاری تین دین سے غیر یقینی صورتحال کے دوران آج بائیڈن بھاری سیٹوں کے ساتھ انتخاب جیت گئے۔جس پر صدر ٹرمپ نے انتخابات میں دھاندلی کا الزام لگایا ہے اور کورٹ جانے کا اعلان کیا ہے۔