امریکہ کے صدر ڈونلڈ ٹرمپ نے چین کے موبائل ایپ وی چیٹ سے متعلق کسی بھی لین دین پر پابندی عائد کردی ہے۔
ٹرمپ نے اس سلسلے میں ایک حکمنامے پر دستخط کر دیے ہیں۔ دستاویزات پر دستخط کرنے کے 45 دن بعد وی چیٹ سے متعلق کسی بھی لین دین پر پابندی نافذ ہو جا ئے گی۔
واضح رہے کہ چین کی سوشل میڈیا ، میسجنگ اور ادائیگی اپلیکیشن کمپنی وی چیٹ کا امریکہ سمیت دنیا بھر میں ایک ارب سے زیادہ افراد الیکٹرانک ادائیگی کے لئے استعمال کرتے ہیں۔
ٹک ٹا ک کی طرح وی چیٹ بھی اپنے صارفین سے معلومات اکٹھا کرتی ہے۔ اس سے امریکہ کے لوگوں کی ذاتی اور ملکیتی املاک کے تعلق سے ڈیٹا کے چینی کمیونسٹ پارٹی تک پہنچنے کا خطرہ ظاہرکیاگیا ہے۔