امریکہ میں کملا ہیرس کے گھر کے باہر سے مسلح شخص گرفتار

امریکی محکمہ انٹلیجنس سروسز کے افسران نے مسلح شخص کو گرفتار کرنے کے بعد واشنگٹن پولیس کی تحویل میں دے دیا ہے۔

امریکہ میں قانون نافذ کرنے والے افسران نے بدھ کے روز نائب صدر کملا ہیرس کی سرکاری رہائش گاہ کے باہر سے ایک مسلح شخص کو گرفتار کیا ہے۔

’فاکس نیوز‘ کی ایک رپورٹ کے مطابق ڈی سی میٹرو پولیٹن پولیس کو نیول آبزرویٹری کے قریب ایک مشتبہ شخص کی خفیہ اطلاعات موصول ہوئی جس کے بعد اسے گرفتار کر لیا گیا۔

گرفتار کیے گئے شخص کی شناخت پول مرے کے نام سے ہوئی ہے اور وہ ٹیکساس کے سان انتونیو سے تعلق رکھتا ہے۔ اسے پہلے امریکی محکمہ انٹلیجنس سروسز کے افسران نے گرفتار کیا تھا جس کے بعد واشنگٹن پولیس نے اسے اپنی تحویل میں لے کر کارروائی شروع کردی ہے۔

پولیس نے اس کے پاس سے رائفلیں اور گولیاں برآمد کی ہیں۔

(یو این آئی)