افغانوں کی 77 فیصد تعداد نے خصوصی مہاجر ویزے کی درخواستیں دی: امریکہ

وائٹ ہاوس کی ترجمان نے کہا کہ افغانستان میں اس وقت طیاروں کے علاوہ دیگر ذرائع نقل و حمل بھی انخلاء میں مدد کررہے ہیں جن میں ہیلی کاپٹرز بھی شامل ہیں جب کہ انخلاء کے لیے کابل ہوائی اڈے کو دوبارہ سے فعال بنانے کی کوششیں جاری ہیں جس کے لیے قطر اور ترکی سے رابطہ کیا جارہا ہے۔

وائٹ ہاؤس کی ترجمان جین پساکی نے کہا ہے کہ افغانستان سے لائے جانے والے ایک لاکھ بیس ہزار افغانوں میں سے 77 فیصد کی خصوصی مہاجر ویزہ کے حصول کی درخواستیں قبول کرلی گئی ہیں۔

پساکی نے اپنی پریس بریفنگ میں افغانستان کی موجودہ صورت حال کے بارے میں کہا کہ وہاں سے انسانوں کا انخلاء جاری ہے، انخلاء کیے جانے والے افغانوں کی 77 فیصد تعداد نے خصوصی مہاجر ویزے کی درخواستیں دی تھیں جنہیں قبول کرلیا گیا ہے۔

ترجمان نے مزید کہا کہ افغانستان میں اس وقت طیاروں کے علاوہ دیگر ذرائع نقل و حمل بھی انخلاء میں مدد کررہے ہیں جن میں ہیلی کاپٹرز بھی شامل ہیں جب کہ انخلاء کے لیے کابل ہوائی اڈے کو دوبارہ سے فعال بنانے کی کوششیں جاری ہیں جس کے لیے قطر اور ترکی سے رابطہ کیا جارہا ہے۔

یو این آئی