گھانا میں سڑک حادثہ میں 34 افراد ہلاک

گھانا کے کومانڈا میں منگل کے روز ایک خوفناک سڑک حادثہ میں کم از کم 34 افراد کی موت ہوگئی۔

مقامی میڈیا نے اطلاع دی ہے کہ ایک مقامی ٹرانسپورٹ کمپنی کی مخالف سمت سے آنے والی دو بسوں کے تصادم میں 34 سے زائد افراد ہلاک ہوگئے۔ انہوں نے بتایا کہ تکروڈی جانے والی بس نے دوسری گاڑی کو اوورٹیک کرنے کی کوشش کی ، لیکن آکرا کی طرف جانے والی بس اس سے ٹکرا گئی۔

صورتحال کا جائزہ لینے اور حادثے کی وجوہ کی تحقیقات کے لئے پولیس اہلکاروں کی ایک ٹیم جائے وقوع پر روانہ کردی گئی ہے۔