نائیجیریا میں کشتی حادثہ، 6 ہلاک

کشتی پر کیپٹن سمیت 21 افراد سوار تھے، جن میں سے 14 کو بحفاظت بچا لیا گیا ہے۔

نائیجیریا کے تجارتی مرکز لاگوس میں ایک کشتی کے حادثے کا شکار ہونے کے سبب چھ لوگوں کی موت اور ایک شخص لاپتہ ہوگیا ہے۔

نیوز ایجنسی آف نائیجیریا (نان) نے سنیچر کو اپنی رپورٹ میں یہ اطلاع دی۔ ایجنسی نے اپنی رپورٹ میں لاگوس ریاست کی واٹر ویز اتھارٹی کے حوالے سے بتایا کہ ایکوروڈو کے نزدیک پیش آئے اس حادثے کے بعد راحت اور بچاؤ کا کام جاری ہے۔

لاسوا کے جنرل مینیجر اولوواڈ میلولا نے بتایا کہ اس کشتی پر کیپٹن سمیت 21 افراد سوار تھے، جن میں سے 14 کو بحفاظت بچا لیا گیا ہے۔
یہ حادثہ مقامی وقت کے مطابق جمعہ کو تقریباً آٹھ بجکر 30 منٹ پر ایکوروڈ کے نزدیک اوووڈے ابیشے میں پیش آیا۔