نائیجیریا: وزیر خارجہ کورونا پازیٹیو

نائیجیریا کے وزیر خارجہ جیفری اونیاما کی کورونا رپورٹ مثبت آئی ہے۔

وزیر خارجہ جیفری اونیاما نے تصدیق کی کہ انہوں نے اپنا چوتھا کورونا ٹیسٹ کروایا تھا جس کی رپورٹ مثبت آئی ہے۔

بشکریہ ٹویٹر

انہوں نے اپنے ٹویٹر اکاؤنٹ پر لکھا کہ 'گزشتہ روز گلے میں تکلیف ہونے کے بعد میں نے ٹیسٹ کروایا اور اتفاق سے میری ٹیسٹ رپورٹ میں مجھے کووڈ 19 پازیٹیو پایا گیا۔

بشکریہ ٹویٹر

جیفری نے مزید لکھا کہ 'یہی زندگی ہے، کبھی جیت تو کبھی ہار! میں نے اپنے آپ کو آئسولیٹ کر لیا ہے اور آپ سبھی سے صحت میں بہتری کے لیے دعا کی گزارش کرتا ہوں۔

واضح رہے کہ مغربی افریقی ملک نائیجریا میں ابھی تک 36 ہزار 107 کورونا وائرس کیسز سامنے آچکے ہیں۔