صومالیہ میں طوفان سے ایک لاکھ 80 ہزار سے زائد افراد متاثر

افریقی ملک صومالیہ میں قدرت کی تباہی نے ایک لاکھ سے زائد افراد کو متاثر کیا ہے۔ صومالیہ میں آئے گردابی طوفان کے سبب کم از کم نو افراد کی موت ہو گئی۔

صومالیہ میں آئے گردابی طوفان کے سبب کم از کم نو افراد کی موت ہو گئی اور 180,000 سے زائد افراد متاثر ہوئے ہیں۔

اقوام متحدہ کے رابطہ دفتر برائے انسانی امور نے کہا کہ گردابی طوفان میں تقریباً 7,500 مویشی (اونٹ، بھیڑ، بکری) کی موت ہو گئی۔ یہاں متعدد مقامات پر طوفان نے تباہی مچائی ہے۔

او سی ایچ اے نے اپنی حالیہ ریلیز میں پیر کے روز کہا متاثرہ علاقوں میں کم از کم نو افراد ہلاک ہو گئے اور خانہ بدوش کمیونٹیز کی تقریباً 4,000 جائداد تباہ ہو گئی۔

شروعاتی سروے کے مطابق اسکول، صحت سہولیات، سرکاری دفاتر اور تقریباً 80 فیصد رہائشی گھروں کو نقصان پہنچا ہے۔