لیبیا میں کورونا کے مزید 628 نئے کیسز

لیبیا میں کورونا وائرس کے مزید 628 نئے کیسز کی تصدیق ہونے کے بعد متاثرین کی تعداد 37437 ہوگئی ہے۔

اس مہلک وبا کے قومی کنٹرول مرکز نے ایک بیان جاری کرکے کہا ہے کہ انہوں نے 3356 نمونے لیے ہیں۔

انہوں نے بتایا کہ مزید 647 مریضوں کی شفایابی کے بعد اس مہلک ترین وبا سے صحت مند ہونے والوں کی مجموعی تعداد 22076 ہوگئی ہے جبکہ چار افراد کی ہلاکت کے ساتھ ہلاک شدگان کی مجموعی تعداد 596 ہوگئی ہے۔

لیبیا میں مارچ میں کورونا وائرس کا پہلا کیس منظر عام پر آنے کے بعد انتظامیہ نے احتیاطی اقدامات کیے جن میں ملک کی سرحدیں بند کرنا ، اسکولز ، مساجد کو بند کرنا اور عوامی ہجوم پر پابندیاں شامل ہیں۔