جنوبی لیبیا میں داعش کا حملہ

لیبیا کے جنوبی شہر صباح میں ایک فوجی تربیتی مرکز پر دہشت گردانہ حملے میں آج صبح نو فوجی ہلاک ہوگئے۔

ذرائع کے مطابق ایک مسلح شخص نے لیبیائی نیشنل آرمی کے ملٹری ٹریننگ سینٹر پر حملہ کر دیا جس میں نو فوجی مارے گئے ہیں۔

اطلاعات کے مطابق اس حملے کی ذمہ داری نام نہاد اسلامی تنظیم داعش نے قبول کر لی ہے۔

رواں برس فروری میں خلیفہ حفتر نے لیبیا کے جنوبی علاقوں پر قبضے کے بعد اپریل میں دارالحکومت طرابلس پر چڑھائی کا اعلان کر دیا تھا۔ لیبیا کی داخلی صورت میں خراب سے خراب تر ہو تی گئی ہے۔