نائیجیریا میں کم عمری کی شادی کی شرح دنیا میں سب سے زیادہ: رپورٹ

رپورٹ کے مطابق نائجیریا کے شمال مشرقی اور شمال مغربی علاقوں میں کم عمری کی شادی سب سے زیادہ پائی جاتی ہے۔ ان علاقوں میں 48 فیصد لڑکیوں کی شادی 15 سال کی عمر میں اور 78 فیصد کی 18 سال کی عمر میں کر دی جاتی ہے۔

نائیجیریا ان ممالک میں سے ایک ہے جہاں پوری دنیا میں کم عمری کی شادی کی شرح سب سے زیادہ ہے، جہاں 78 فیصد لڑکیوں کی شادی 18 سال سے پہلے ہوتی ہے۔ یہ حقائق ایک رپورٹ میں سامنے آئے ہیں۔

سیو دی چلڈرین انٹرنیشنل (ایس سی آئی) کی جانب سے 'اسٹیٹ آف دی نائجیرین لڑکی: بچوں کی شادی کی ایک جامع تشخیص' کے عنوان سے رپورٹ میں کہا گیا ہے کہ نائجیریا کے شمال مشرقی اور شمال مغربی علاقوں میں کم عمری کی شادی سب سے زیادہ پائی جاتی ہے۔ ان علاقوں میں 48 فیصد لڑکیوں کی شادی 15 سال کی عمر میں اور 78 فیصد کی 18 سال کی عمر میں کر دی جاتی ہے۔

رپورٹ کے مطابق بچوں کی شادی کے حقائق قومی سطح پر نائجیریا کی لڑکیوں کی حیثیت، تعلیم اور بااختیار بنانے پر اس کے منفی اثرات کو ظاہر کرتے ہیں۔

رپورٹ میں کہا گیا ہے کہ 20 سے 49 سال کے درمیان پہلی شادی یا 18 سال میں شادی کے معاملے میں خواتین کی تعداد 44.1 فیصد ہے جب کہ مردوں کی تعداد 6 فیصد ہے۔ وہیں تعدد ازدواج کے معاملے میں 15-49 سال کی عمر کے لوگوں میں 36.9 فیصد خواتین اور 18.7 فیصد مرد ہیں۔

رپورٹ میں مزید کہا گیا ہے کہ بچوں کی کم عمری میں جبری شادی اور غربت اور ناقص تعلیم کے نتیجے اسکول چھوڑنے کی شرح کے درمیان واضح اور مضبوط تعلق ہے۔

(یو این آئی)