دنیا بھر میں اب تک کورونا وائرس سے متاثرین کی تعداد 10 لاکھ 15 ہزار 850 ہو گئی ہے جبکہ 53 ہزار 216 افراد اس وائرس سے ہلاک ہو چکے ہیں۔ آپ کو بتا دیں کے متاثرین اور مرنے والوں کی تعداد میں لگاتار اضافہ دیکھا جارہا ہے۔
متاثرین کی تعداد جو اوپر دی گئی ہے یہ سبھی افراد کووڈ انیس کے لیے مثبت پائے گئے ہیں۔
وائٹ ہاوس کورونا وائرس ٹاسک فورس کے کوارڈینیٹر ڈاکٹر دیبوراہ بریکس کا کہنا ہے 'کورونا وائرس کے مثبت کیسز سامنے آنے کے بعد یہ لگ رہا ہے کہ امریکہ کے لوگ ہدایات پر عمل نہیں کر رہے ہیں'۔
زیادہ تر افراد میں کورونا وائرس ہلکے یا اعتدال پسند علامات پیدا کر رہا ہے جیسے بخار، زکام اور اس کی مدت محض 2 سے 3 ہفتے کی ہوتی ہے اس کے بعد یہ ٹھیک ہو جاتا ہے لیکن جو لگ 50 سال سے زائد عمر کے ہیں اور جو لوگ پہلے سے ہی کسی غیر مواصلاتی بیماری میں مبتلا ہیں ان کو کورونا وائرس بری طرح سے متاثر کر رہا ہے، جس کی وجہ سے وہ نمونیا کے شکار ہو جاتے ہیں اور بعد میں ان کی موت واقع ہو جاتی ہے۔ لیکن یہ بھی دیکھا گیا ہے کہ اس بیماری سے کافی تعداد میں لوگ نجات بھی پا لیتے ہیں۔
کورونا وائرس کو پھیلنے سے روکنے کے لیے اور اپنے آپ کو اس سے بچانے کے لیے سب سے اچھا طریقہ ہے کہ آپ اپنے ہاتھوں کو صابن اور پانی سے لگاتار دھوتے رہیں، اس میں دھیان رکھنا ہو گا کہ آپ اپنے ہاتھوں کو 20 سیکنڈ تک دھو رہے ہیں۔
