تنزانیہ: منی بس پر کنٹینر گرنے سے چار افراد ہلاک

یہ حادثہ مقامی وقت کے مطابق صبح 9 بج کر 30 منٹ پر اس وقت پیش آیا جب ایک منی بس کے ڈرائیور نے کنٹینر لے جانے والے ٹرک کے دائیں جانب سے جانے کی کوشش کی تو کنٹینر منی پر گر گیا۔'

افریقی ملک تنزانیہ کے مشرقی علاقے موروگورو میں ایک منی بس پر کنٹینر کے گرنے سے کم از کم چار افراد ہلاک اور چھ زخمی ہوگئے۔

موروگورو زون کے کے پولیس کمانڈر ولبروڈ مطافنگوا نے پیر کے روز بتایا کہ 'یہ حادثہ مقامی وقت کے مطابق صبح 9 بج کر 30 منٹ پر اس وقت پیش آیا جب ایک منی بس کے ڈرائیور نے کنٹینر لے جانے والے ٹرک کے دائیں جانب سے جانے کی کوشش کی تو کنٹینر منی پر گر گیا۔'

مطافنگوا نے ایک پریس کانفرنس میں بتایا کہ 'حادثے کے وقت تمباکو سے بھری ٹرک موروگورو سے دارالسلام کی طرف جارہی تھی جبکہ منی بس دارالسلام سے موروگورو کی طرف آرہی تھی۔'