سوڈان میں کورونا متاثرین کی تعداد 5000 سے تجاوز

سوڈان میں گزشتہ 24گھنٹوں کے دوران 226نئے مثبت معاملات کی تصدیق کے ساتھ ملک بھر میں عالمی وبا کورونا وائرس سے متاثرہ افراد کی تعداد پانچ ہزار سے تجاوز کر گئی ہے۔

سوڈان میں گزشہ 24 گھنٹوں کے دوران عالمی وبا کورونا وائرس سے متاثرہ افراد کے کم از کم 226 معاملے پیش آنے کے ساتھ ملک میں متاثرین کی تعداد 5026 تک پہنچ گئی۔

وزیر صحت نے پیر کے روز بتایا کہ گزشتہ روز کے مقابلے متاثرین کی تعداد میں نمایاں کمی دیکھی گئی ہے۔ وزیر موصوف نے کہا کہ مئی 21 کے بعد ہفتہ کے روز عالمی وبا کورونا وائرس کے سب سے زیادہ 279 معاملےریکارڈ کئے گئے، جس کے بعد ملک میں کورونا وائرس کے مریضوں کی تعداد 5026 ہوگئی ہے۔

وزارت صحت نے بتایا کہ کورونا سے متاثرہ مزید 151 مریضوں کی صحت یابی کے ساتھ ہی اس وائرس کے انفیکشن سے شفایاب ہونے والوں کی تعداد 1423 ہوگئی ہے اور 24 افراد کی ہلاکت کے ساتھ اموات کی تعداد 286 ہوگئی ہے۔

ملک کے دارالحکومت خرطوم میں کُل 3964 معاملے رپورٹ کیے گئے ہیں۔