سوڈان میں کورونا کے 134 نئے کیسز سامنے آئے

سوڈان میں کووڈ ۔19 کے 134 نئے معاملے سامنے آئے ہیں۔ اس انفیکشن سے چھ مزید اموات ہوئی ہیں جس سے ملک میں مریضوں کی تعداد بڑھ کر 1660 ہوگئی جبکہ 80 افراد لقمہ اجل بن چکے ہیں۔

سوڈان کے محکمۂ صحت نے ایک بیان میں بتایا کہ 12 سے زائد مریضوں کے صحتیاب ہونے کے بعد پورے ملک میں بازیاب افراد کی تعداد 173 تک پہنچ گئی ہے۔

سوڈان کے وبائی سائنسداں اور کمیونٹی ماہر طب حمزہ عبداللہ نے اس بیماری کے حقیقی مرکز کا پتہ لگانے کے لیے ایک وبائی سائنسی تحقیقات کرانے کا مطالبہ کیا۔

انہوں نے کہا کہ خرطوم ریاست اب تک کا سب سے بڑا مرکز ہے لیکن یہاں مکمل کرفیو کی واضح خلاف ورزی ہورہی ہے۔

واضح رہے کہ سوڈانی حکومت نے ریاست خرطوم میں وبا کے پھیلاؤ کو روکنے کے لئے نو مئی سے 10 دن کے لئے مکمل کرفیو میں توسیع کردی ہے۔