نائیجیریا میں اسکول پر حملہ، تقریباً 400 بچوں کا اغوا

نائیجیریا کے شمالی صوبے کاتسینا میں کچھ نامعلوم ہتھیار بند افراد اسکول کے سیکیورٹی اہلکاروں کا قتل کرنے کے بعد اسکول احاطے میں داخل ہوگئے اور تقریباً 400 بچوں کا اغواء کرلیا۔

مغربی افریقی ملک نائیجیریا کے شمالی صوبے کاتسینا میں کچھ نامعلوم ہتھیار بند افراد نے ایک اسکول پر حملہ کرکے تقریباً 400 بچوں کا اغواء کرلیا ہے۔ نائیجیریا کے وین گارڈ نامی اخبار نے افسران کے حوالے سے یہ اطلاع دی۔

نائیجیریا میں اسکول پر حملہ، تقریباً 400 بچوں کا اغوا

یہ واقعہ جمعہ کے روز کا ہے جب کنکارہ گورنمنٹ سکینڈری اسکول پر کچھ ہتھیار بند افراد نے حملہ کر دیا۔ اسکول کے سکیورٹی اہلکاروں کا قتل کرنے کے بعد وہ اسکول احاطے میں داخل ہوگئے۔ حملے کے وقت 800 سے زائد بچے اسکول میں موجود تھے۔ بندوق بند افراد نے کتنے بچوں کا اغوا کیا ہے، اس بارے میں اب تک کوئی واضح اطلاع مہیا نہ ہوپائی ہے۔ حملے کے دوران بڑی تعداد میں اسکول کے بچے آس پاس کے علاقوں میں چھپ گئے۔

ایجوکیشن کمشنر بادماسی چارانچی نے بتایا کہ 406 بچے محفوظ لوٹ چکے ہیں جبکہ دیگر لاپتہ بچوں کا ابھی تک پتہ نہیں چل سکا ہے۔ افسر کے مطابق یہ بچے پوری رات آس پاس کی جھاڑیوں میں چھپے رہے اور صبح ہونے کے بعد اپنے اپنے گھروں کو لوٹے۔

نائیجیریا پولیس، فوج اور فضائیہ بھی لاپتہ بچوں کا پتہ لگانے کے لیے اسکول انتظامیہ کے ساتھ مل کر کام کر رہی ہے۔

نائیجیریا کے صدر محمدو بحاری نے اس حملے کی مذمت کرتے ہوئے ذمہ دار افراد کے خلاف سخت سے سخت کارروائی کرنے کا مطالبہ کیا ہے۔