آسٹرا زینیکا ٹیکہ جنوبی افریقہ کے نئے کورونا اسٹرین کے خلاف کم موثر

آسٹرا زینیکا اور یونیورسٹی آف آکسفورڈ کے ذریعہ تیار کردہ کووڈ 19 ویکسین جنوبی افریقہ میں کورونا کے نئے اسٹرین کے خلاف کم موثر ہے۔ برطانوی دوا ساز کمپنی کے ترجمان نے اتوار کے روز اس بات کا دعوی کیا ہے۔

ایک رپورٹ کے بعد یہ بیان سامنے آیا ہے کہ یہ ویکسین جنوبی افریقہ میں پھیلنے والے کورونا کی نئی شکل سے تحفظ فراہم کرنے میں ناکام رہی ہے۔ جنوبی افریقہ کی یونیورسٹی آف وٹواٹرسرینڈ اور آکسفورڈ یونیورسٹی کے ذریعہ کیے گئے ایک تجربے کے اعداد و شمار کا حوالہ دیا گیا ہے، جس کے نتائج پیر کے روز شائع ہونے والے ہیں۔

انہوں نے واضح کیا کہ اس تجربے میں شریک 2000 سے زیادہ افراد بنیادی طور پر صحتمند اور نوجوان تھے، جن میں سے کسی کو بھی اسپتال میں داخل نہیں کیا گیا اور نہ کسی کی موت ہوئی۔ تاہم، ابھی نتائج کا جائزہ لیا جانا باقی ہے۔