الجیریا کے مختلف شہروں میں پولنگ اسٹیشن پر گزشتہ رات ووٹنگ کا عمل اختتام کو پہنچا کیونکہ ایک متنازعہ ریفرنڈم پر رائے شماری کی گئی کہ آیا نظر ثانی شدہ آئین کو منظوری دی جائے یا نہیں؟
یہ بات قابل ذکر ہے کہ گزشتہ برس دسمبر میں نومنتخب صدر عبد المجید تبو بون نے عوام اور حزب اختلاف سے وعدہ کیا تھا کہ مختلف صدور اور اراکین پارلیمنٹ کی مدت کار کو محدود رکھا جائے۔ اسی ضمن میں ریفرنڈم پر رائے شماری کی گئی۔
تاہم انتخابی رائے شماری کے دوران نئے آئین کے بہت سے مخالفین نے ووٹ کے بائیکاٹ کا مطالبہ کیا ہے۔ ان کا کہنا ہے کہ آئین میں تبدیلی کے بجائے ایک نئے صدر کا انتخاب ضروری ہے۔
جمہوریت کے حامی کارکنوں کا کہنا ہے کہ نظرثانی شدہ آئین میں موجودہ رہنماوں کی نئی نسل کا سیاست میں داخلے کے ضمن میں کچھ نہیں کہا گیا، کیونکہ اس سے اقرباپروری میں مزید اضافہ ہوگا۔
الجیریا کے صدر عبدالمجید تبون دریں اثنا صدر عبد المجید تبو بون کو کورونا وائرس (کووڈ۔19) کی علامات ظاہر ہونے کے بعد جرمنی کے ایک اسپتال میں علاج کے لیے داخل کیا گیا۔
نئے آئین پر ووٹنگ کا اختتام صدارتی مشیر عمر نے بتایا ہے کہ فی الحال صدر کی طبیعت بہتر ہے اور طبی معائنہ جاری ہے۔
تقریبا 23.5 ملین الجزائر کے ووٹر ووٹ ڈالنے کے اہل ہیں۔ یہ ریفرنڈم فرانس سے الجیریا کی جنگ آزادی کے آغاز کی 68 ویں سالگرہ کے موقع پر علامتی طور پر منعقد کیا گیا۔نتائج کا اعلان پیر کو ہونا ہے۔
