نیوزی لینڈ کے ملفورڈ ساؤنڈ میں زلزلہ کے تیز جھٹکے

جہاں ایک جانب کورونا وائرس وبا نے قہر برپا کیا ہے وہیں دوسری جانب بھارت سمیت میکسیکو، جاپان اور کیلفورنیا میں زلزلے کے جھٹکے محسوس کیے گئے۔

نیوزی لینڈ کے جنوبی جزیرے ملفورڈ ساؤنڈ میں آج 5.9 شدت کے زلزلے کے شدید جھٹکے محسوس کیےگئے، جمعرات کو نیوزی لینڈ کے جیو نیٹ نے اس کی اطلاع دی۔

جیوینٹ کے مطابق زلزلے کا مرکز میلفورڈ ساؤنڈ سے 35 کلومیٹر مغرب میں پانچ کلومیٹر کی گہرائی میں تھا، زلزلے کے جھٹکے شمال سے جنوب جزیرہ نما تک محسوس کیے گئے ہیں۔

بتایا جا رہا ہے کہ ایک ماہ میں دوسری بار اس خطے میں زلزلے کے جھٹکے محسوس کیے گئے ہیں۔

حالانکہ راحت کی بات یہ زلزلے سے کسی کے جان و مال کے نقصان کی کوئی اطلاع نہیں ہے۔