عالمی یوم ماحولیات کے موقع پر صدر رام ناتھ کوویند کا پیغام

آج دنیا میں بھر میں ماحولیات کا عالمی دن منایا جارہا ہے۔ یہ سالانہ طور پر ایسے بڑے موقعوں میں سے ایک بڑا موقع ہوتا ہے‘ جسے اقوام متحدہ فطرت کی اہمیت کے تئیں عوامی بیداری لانے کیلئے منعقد کرتی ہے۔

عالمی یوم ماحولیات کے موقع پر صدر جمہوریہ رام ناتھ کووند نے کہا ہے کہ فطرت کے ساتھ مل کر زندگی گزارنا اور حیاتیاتی تنوع کا تحفظ کرنا بھارتی فطرت اور کلچر میں شامل رہا ہے۔ ایک ٹوئیٹ میں انھوں نے کہا کہ اب جب کہ بنی نوع انسان کووڈ۔19 کے خلاف نبردآزما ہے، ہم ایک پائیدار مستقبل کے لیے عالمی برادری کے ساتھ کام کرنے کے اپنے عہد کا پھر اظہار کرتے ہیں۔

اس موقع پر نائب صدرجمہوریہ ایم وینکیا نائیڈو نے ہر ایک سے زور دے کر کہا ہے کہ وہ ماحولیاتی نظام کے تحفظ اور اِس کی بگڑتی ہوئی صورتحال کو روکنے کی کوشش تیز کریں۔ انھوں نے تمام لوگوں سے کہا کہ وہ آج سے ہی ماحولیات کا تحفظ کریں، تاکہ کل مستقبل کی نسلوں کو رہنے کے لائق کرہ ارض دیا جاسکے۔