حیدرآباد: بدھ کے روز لکشمن اٹیکر کی رومانٹک کامیڈی فلم ذرا ہٹکے ذرا بچکے کو باکس آفس پر دوبارہ زندگی مل گئی ہے اور اس کی وجہ ہے فلم آدی پروش سے شائقین کی دوری ، جس کی باکس آفس کمائی میں بدھ کے روز زبردست کمی دیکھی گئی ہے۔ فلم آدی پروش کی ریلیز کے پہلے دن شاندار کمائی کے باوجود وکی کوشل اور سارہ علی خان کی فلم نے باکس آفس پر بازی مار لی ہے۔ ان کی فلم نے تیسرے ہفتے کے آخر میں مجموعی طور پر 5 کروڑ روپے سے زیادہ کا شاندار کاروبار کیا ہے۔Zara Hatke Zara Bachke
پیر کے روز بھی وکی کوشل اور سارہ علی خان کی فلم 1.08 کروڑ کما کر باکس آفس پر اپنا قبضہ جمانے میں کامیاب رہی۔ ذرا ہٹکے ذرا بچکے کی کمائی منگل کے روز پہلی بار ایک کروڑ سے نیچے گر کر 99 لاکھ روپے تک پہنچ گئی۔ فلم نے بدھ کے روز دوبارہ اپنی رفتار پکڑی اور 1.08 کروڑ روپے کی کمائی ہے۔ فلم نے اتنی ہے کمائی کی جتنی پیر کو کی تھی۔ فلم نے گھریلو باکس آفس پر 70 کروڑ روپے کا ہندسہ بھی عبور کرلیا ہے۔
واضح رہے کہ پربھاس، کریتی سینن، اور سیف علی خان کی فلم کی کمائی پیر کے روز 20 کروڑ روپے تک گرنے کے بعد بدھ کے روز 7.50 کروڑ روپے تک پہنچ گئی اور منگل کو فلم نےاس کی صرف نصف کمائی کی۔ جب کہ فلم نے اپنے ریلیز کے پہلے دن باکس آفس پر طوفان لادیا تھا لیکن شائقین اور ناقدین کی تنقید کے بعد باکس آفس پر یہ طوفان تھم گیا ہے۔