Zaira Wasim on woman eating in niqab:زائرہ وسیم کا نقاب پہن کر کھانا کھانے والی خاتون کی تصویر پر ردعمل، کہا 'یہ میری مرضی ہے'

مذہب کے لیے فن کی دنیا سے کنارہ کشی اختیار کرنے والی زائرہ وسیم نے نقاب پہن کر کھانا کھانے والی ایک خاتون کی تصویر پر ردعمل کا اظہار کیا ہے۔ زائرہ کو فلم دنگل اور دی اسکائی از پنک جیسی فلموں میں دیکھا گیا ہے۔

سابق اداکارہ زائرہ وسیم نے ایک پوسٹ شیئر کی اور بتایا کہ اگر وہ اپنا نقاب اتارے بغیر کھانا کھانے کا انتخاب کرتی ہیں تو یہ مکمل طور پر ان کی مرضی ہوگی۔ انہوں نے ایک فالوورز کے ٹویٹ پر ردعمل کا اظہار کیا جس میں ایک خاتون چہرہ کا پردہ کرتے ہوئے کھانا کھاتی نظر آرہی ہیں۔ اگرچہ زیادہ تر صارفین نے زائرہ کے اس بات پر ان کی حمایت کی ہے وہیں کچھ لوگوں کا کہنا ہے کہ کھانا کھاتے وقت پردہ ہٹایا جاسکتا ہے۔Zaira Wasim on woman eating in niqab

زائرہ وسیم کا نقاب پہن کر کھانا کھانے والی خاتون کی تصویر پر ردعمل، کہا 'یہ میری مرضی ہے'

اس تصویر کو ایک ٹویٹر صارف نے یہ کیپشن دیتے ہوئے شیئر کیا ہے کہ ' کیا یہ انسان کا فیصلہ ہے؟ اس ٹویٹ پر ردعمل ظاہر کرتے ہوئے زائرہ نے ٹویٹر پر لکھا کہ ' ابھی حال میں ایک شادی میں شرکت کی، مں نے بالکل ایسا ہی کھایا اور یہ مکمل طور پر میری مرضی ہے۔ یہاں تک کہ جب میرے آس پاس موجود ہر شخص مجھے یہ کہہ کر میری تنقید کر رہا تھا کہ میں نقاب اتار سکتی ہوں۔ لیکن میں نے ایسا نہیں کیا'۔

زائرہ کے بہت سے فالوورز نے نقاب پہننے کے بارے میں ان کے خیالات کی تعریف کی۔ ایک شخص نے تبصرہ کیا کہ ' ہم یہ دوسروں کے لیے نہیں کرتے، تو اس سے خود نمٹو، بالکل صحیح کہا زائرہ وسیم آپ کا جواب شاندار تھا۔ یہ مکمل طور پر آپ کی مرضی ہے'۔ ایک اور نے لکھا کہ ' اسے یہ بتانا بند کرو کہ کیا کرنا چاہیے اور کیا نہیں، یہ اس کی زندگی اور اس کا عقیدہ ہے، اس لیے اسے اکیلا چھوڑ دیں'۔ایک اور نے لکھا کہ 'اللہ آپ کو اپنے مذہب پر چلنے کی مزید طاقت اور وقار عطا فرمائے۔ آمین'۔

ایک ٹویٹر صارف نے یہ بھی تجویز کیا کہ عورت کو عورت سے پردہ نہیں ہے (خواتین کو خواتین سے چہرہ چھپانا ضروری نہیں ہے)۔ اگر آپ خواتین کے ساتھ ایک علیحدہ سیکشن میں ہیں تو آپ اپنا حجاب یا نوز پیس اتار سکتے ہیں۔ میری بیوی اور والدہ بھی پہنتی ہیں۔ پردہ کرتی ہیں لیکن جب وہ خواتین کے حصے میں ہوتی ہیں اور دوسری خواتین کے ساتھ کھانا کھاتی ہیں تو وہ اسے اتار لیتی ہیں اور سکون سے کھانا کھاتی ہیں'۔

گزشتہ سال زائرہ نے کرناٹک اسکولوں و کالجوں میں حجاب پر عائد کردہ پابندی کے خلاف اپنے خیالات کا اظہار کیا تھا۔ انہوں نے ٹویٹر پر کہا تھا کہ ' مسلم خواتین کے خلاف تعصب رویہ اختیار کرنا اور ایسا نظام قائم کرنا جہاں انہیں تعلیم اور حجاب میں سے کسی ایک چھوڑ دینا چاہیے یا اس میں سے کسی ایک کو ترک کرنے کے لیے مجبور کرنا سراسر نا انصافی ہے۔ آپ انہیں ایک ایسا فیصلہ لینے پر مجبور کر رہے ہیں جو آپ کے ایجینڈے کو پورا کرتا ہو اور پھر ان کی تنقید کرتے ہیں جبکہ وہ آپ کے بنائے گئے اصولوں میں قید ہے'۔

زائرہ نے عامر خان کی فلم دنگل سے بالی ووڈ میں ڈیبیو کیا۔ وہ اس وقت 16 سال کی تھیں۔ اداکاری سے ریٹائر ہونے سے قبل انہوں نے دو اور فلموں میں اداکاری کی جن میں سیکرٹ سپر اسٹار (2017) اور دی اسکائی از پنک (2019) شامل ہیں۔