Complaint against Taapsee Pannu: اداکارہ تاپسی پنو کے خلاف مذہبی جذبات کو ٹھیس پہنچانے کے الزام میں شکایت درج

مدھیہ پردیش کے اندور میں اداکارہ تاپسی پنو کے خلاف ہندو دیوتاؤں کی توہین کرنے اور فحاشی پھیلانے کی شکایت درج کرائی گئی ہے۔ یہ شکایت ہند رکشک سنگٹھن کے کنوینر اور بی جے پی ایم ایل اے مالنی گوڑ کے بیٹے ایکلویہ سنگھ گوڑ نے درج کرائی ہے۔۔

حال ہی میں فیشن تقریب سے سامنے آئی بالی ووڈ اداکار اور پروڈیوسر تاپسی پنو کی ایک ویڈیو ان کے لیے پریشانی کا باعث بن گئی ہے۔ اس ماہ کے شروع میں تاپسی نے لیکمی فیشن ویک میں ریلائنس جیولیس اور مونیشا جئے سنگھ کے لیے بطور شو اسٹاپر بن کر شرکت کی تھی۔ اس تقریب میں اداکارہ کو سرخ لباس کے ساتھ ایک ایسا زیور پہنے دیکھا گیا جس میں دیوی لکشمی بنی ہوئی تھی۔Complaint against Taapsee Pannu

تاپسی نے سوشل میڈیا پر اپنی ریمپ واک کی ایک ویڈیو پوسٹ کی تھی جو اب تنازعہ کا شکار ہوگئی ہے۔ ان کے خلاف مدھیہ پردیش کے اندور میں شکایت درج کرائی گئی ہے۔ تاپسی کے خلاف یہ شکایت ہند رکشک سنگٹھن کے کنوینر اور بی جے پی ایم ایل اے مالنی گوڑ کے بیٹے ایکلویہ سنگھ گوڑ نے درج کرائی ہے۔۔

اس معاملے میں پولیس نے پیر کو بتایا کہ فلم اداکارہ تاپسی پنو کے خلاف شہر کی ہند رکھشک تنظیم نے ہندو دیوتاؤں کی توہین کرنے اور فحاشی پھیلانے کی شکایت درج کرائی ہے۔ یہ شکایت ہند رکشک سنگٹھن کے کنوینر اور بی جے پی ایم ایل اے مالنی گوڑ کے بیٹے ایکلویہ سنگھ گوڑ نے درج کرائی ہے۔

اپنی شکایت میں گوڑ نے کہا کہ اداکارہ نے 14 مارچ 2023 کو اپنے انسٹاگرام پر ایک ویڈیو اپ لوڈ کی تھی۔"یہ ویڈیو ایک فیشن شو کی ہے جہاں اس نے مبینہ طور پر غیر مہذب لباس پہن رکھا تھا'۔

شکایت کے مطابق یہ ویڈیو ایک فیشن شو کا ہے جہاں اس نے مبینہ طور پر غیر مہذب لباس پہن رکھا تھا اور اس کے ساتھ اس نے دیوی لکشمی ماں کا لاکٹ بھی اپنے گلے میں پہن رکھا تھا۔گوڑ نے مزید الزام لگایا کہ یہ سناتن دھرم کو نیچا دکھانے کی منصوبہ بند کوشش ہے۔

چھتری پورہ کے ایس ایچ او نے بتایا کہ 'ہمیں ایکلویہ گوڑ (بی جے پی ایم ایل اے مالنی گوڑ کے بیٹے) کی طرف سے اداکارہ تاپسی پنو کے خلاف ایک لاکٹ پہن کر مذہبی جذبات اور 'سناتن دھرم' کی شبیہ کو ٹھیس پہنچانے کی شکایت موصول ہوئی تھی۔ ان کا مزید کہنا تھا کہ معاملے کی تحقیقات جاری ہیں۔