Ranbir Kapoor's Valentine's Day message: ویلینٹائن ڈے پر رنبیر کپور کا اپنی اہلیہ اور بیٹی کے نام ایک خاص پیغام، ویڈیو وائرل

ویلینٹائن ڈے پر رنبیر کپور نے پوری دنیا کو بتایا کہ وہ اپنی اہلیہ عالیہ بھٹ اور بیٹی راہا کپور سے کتنی محبت کرتے ہیں۔ یہ جوڑی شادی کے بعد اپنا پہلا ویلینٹائن ایک ساتھ نہیں منا پائی۔ اب رنبیر کپور نے دہلی میں اپنی آئندہ فلم 'تو جھوٹی میں مکار' کی تشہیری تقریب کے دوران اپنی اہلیہ اور بیٹی کو ایک خوبصورت پیغام دیا۔

حیدرآباد: ویلنٹائن ڈے ختم ہوگیا لیکن محبت کی خوشبو ابھی بھی ہوا میں گھلی ہوئی ہے۔ بالی ووڈ اداکار رنبیر کپور، جنہیں اپنا ویلنٹائن ڈے دہلی میں اپنے چاہنے والوں سے دور اکیلے منانا پڑا، نے قومی دارالحکومت میں ایک تقریب کے دوران اپنی اہلیہ عالیہ بھٹ اور بیٹی راہا کپور کے لیے ایک خوبصورت پیغام شیئر کیا ہے۔

منگل کو رنبیر دہلی میں اپنی آنے والی فلم ’تو جھوٹی میں مکّار‘ کی تشہیر میں مصروف رہے۔ فلم کی پوری ٹیم تو جھوٹی میں مکار کی تشہیر کے لیے گلگوٹیس یوینورسٹی پہنچی تھی جہاں رنبیر نے پرفارم بھی کیا۔ کپور اس پروموشنل تقریب میں میوزک کمپوزر پریتم کے ساتھ نظر آئے۔

اداکار نے اپنی موجودگی سے وہاں موجود لوگوں کا دل جیت لیا اور اپنے ڈانس سے تقریب میں حاضرین کو مسحور کردیا۔ اب اس پروموشنل ایونٹ کی کئی ویڈیوز وائرل ہورہی ہے۔ جس میں رنبیر کو اپنے فلم کے گانے ' پیار ہوتا کئی بار ہے' پر رقص کرتے ہوئے دیکھا جاسکتا ہے۔ اتنا ہی نہیں انہوں نے تقریب میں اپنی فلم برہمسترا کا گانا کیسیریا بھی گا کر سنایا۔

نوجوان شائقین کو ویلنٹائن ڈے کی مبارکباد دیتے ہوئے رنبیر نے اپنی بیوی اور بیٹی کے لیے ایک خوبصورت پیغام بھی شیئر کیا۔ اداکار نے کہا کہ وہ ویلنٹائن ڈے پر اپنی "دو محبتوں" - عالیہ اور راہا کو نیک خواہشات دینا چاہیں گے۔ اداکار نے یہ بھی کہا کہ وہ اپنی "لڑکیوں" سے پیار کرتے ہیں اور انہیں یاد کرتے ہیں کیونکہ وہ اپنی محبتوں سے دور اکیلے محبت کا تہوار ویلینٹائن منا رہے ہیں۔

رنبیر کو پروموشنز کے دوران بڑھی ہوئی داڑھی میں دیکھا گیا جبکہ فلم تو جھوٹی میں مکار میں وہ داڑھی میں نہیں نظر آرہے ہیں۔ اس فلم میں وہ بالکل چاکلیٹ بوائے کے کردار میں نظر آرہے ہیں۔ دراصل رنبیر نے اپنی یہ داڑھی اپنی آئندہ کرائم ڈرامہ فلم اینیمل کے لیے بڑھائی ہے۔ واضح رہے کہ فلم تو جھوٹی میں مکار 8 مارچ کو سنیما گھروں میں ریلیز کی جائے گی، جبکہ کپور کی اینیمل اگست میں ریلیز ہوگی، جس کی ہدایتکاری سندیپ ریڈی وانگا نے کی ہے۔