Arjun Kapoor Birthday: ارجن کپور کی 38 ویں سالگرہ تقریب میں ملائکہ اروڑہ اور بہن انشولا کپور کی شرکت

ارجن کپور کی سالگرہ کے موقع پر ان کی رہائش گاہ پر ملائکہ اروڑہ کو دیکھا گیا۔ اپنے بوائے فرینڈ کی 38 ویں سالگرہ کے لیے ملائکہ نے سفید میکسی ڈریس کا انتخاب کیا جس میں وہ خوبصورت لگ رہی تھیں۔

حیدرآباد: اتوار کی رات ملائکہ اروڑا کو ممبئی میں بوائے فرینڈ ارجن کپور کی رہائش گاہ پر دیکھا گیا۔ ارجن کپور کی سالگرہ تقریب میں شرکت کےلیے ملائکہ نے ایک سفید میکسی ڈریس کا انتخاب کیا، جس میں وہ شاندار لگ رہی تھیں۔ یہ جوڑی عام طور پر ایک دوسرے کی سالگرہ بیرونی ممالک میں منانا پسند کرتی ہے لیکن اس بار ارجن کی 38 ویں سالگرہ ممبئی میں ہی منانے کا فیصلہ کیا۔Arjun Kapoor Birthday

ارجن کے گھر پہنچنے والی ملائکہ کی ویڈیوز اور تصاویر سوشل میڈیا پر وائرل ہورہی ہے۔ ارجن نے اپنے دوستوں اور اہل خانہ کے ساتھ آدھی رات میں اپنی سالگرہ منائی۔ ارجن کپور کی چھوٹی بہن انشولا کپور بھی اپنے بھائی کی سالگرہ منانے ان کی رہائش گاہ پہنچی۔ ایسا لگتا ہے کہ ارجن نے اس بار اپنے گھر پر ایک پرسکون انداز میں اپنی سالگرہ منانے کا منصوبہ بنایا ہے۔ سوشل میڈیا پر ایک پاپرازی اکاؤنٹ نے ارجن اور ملائکہ کی ویڈیو اور تصاویر شیئر کی ہیں۔

واضح رہے کہ ارجن کو آخری بار آسمان بھردواج کی ہدایت کاری میں بننے والی پہلی فلم کتے میں دیکھا گیا تھا، جس میں تبو، نصیر الدین شاہ، کونکنا سین شرما اور رادھیکا مدن بھی اہم کردار میں نظر آئی تھیں۔ وہ جلد ہی اجے بہل کی ایکشن تھرلر فلم دی لیڈی کلر میں نظر آنے والے ہیں۔ اس فلم میں راکل پریت سنگھ اور بھومی پیڈنیکر بھی مرکزی کردار ادا کر رہی ہیں۔ دوسری جانب ملائکہ اپنے ملٹی انٹرپرینیورئل پروجیکٹس میں مصروف ہیں۔ 49 سالہ ملائکہ ایک فٹنس اسٹوڈیو چلاتی ہیں۔ واضح رہے کہ دونوں گزشتہ چند برسوں سے ایک دوسرے کے ساتھ رشتے میں ہیں۔