Vicky Kaushal to Play Chhatrapati Sambhaji Maharaj: چھترپتی سمبھاجی مہاراج کے کردار کے لیے وکی کوشل سخت ٹریننگ لیں گے

قومی ایوارڈ یافتہ اداکار وکی کوشل، لکشمن اٹیکر کی ہدایت کاری میں بننے والی ایک فلم میں چھترپتی سمبھاجی مہاراج کا کردار ادا کرنے والے ہیں۔ اداکار کو اس کردار میں نظر آنے کے لیے چار ماہ تک سخت تربیت دی جائے گی۔

ممبئی: بالی ووڈ اسٹار وکی کوشل اپنی اگلی فلم میں چھترپتی سمبھاجی مہاراج کا کردار ادا کرنے کے لیے تیار ہیں، ہدایتکار لکشمن اٹیکر نے اس خبر کی تصدیق کی ہے۔ ممی کے ہدایتکار، جنہوں نے کوشل کے ساتھ ابھی ریلیز ہونے والی رومانوی کامیڈی فلم میں کام کیا ہے، نے کہا کہ اداکار اس تاریخی کردار کے لیے بہترین انتخاب تھے۔ چھترپتی سنبھاجی مہاراج، مراٹھا سلطنت کے بانی، چھترپتی شیواجی مہاراج کے بیٹے ہیں۔ انہوں نے وکی کو یہ کردار ادا کرنے کے لیے کیوں منتخب کیا، اس بارے میں بات کرتے ہوئے کہا کہ 'ان کی شخصیت، جیسا کہ ان کا قد اور جسم چھترپتی سنبھاجی مہاراج سے مماثلت رکھتا ہے۔ وہ ایک شاندار اداکار بھی ہیں۔ ہم نے کوئی لک ٹیسٹ نہیں کیا، مجھے یقین تھا کہ وہی ہیں جو سمبھاجی کا کردار ادا کر سکتے ہیں'۔ اب اس کردار کے لیے وکی کو سخت محنت کرنی پڑے گی۔

قومی ایوارڈ یافتہ اداکار اس کردار کے لیے سخت تربیت وٹریننگ کے عمل سے گزریں گے۔ چار ماہ تک وکی تلوار بازی، گھڑ سواری اور کچھ دوسری چیزوں کی تربیت حاصل کریں گے۔ جیسے ہی وکی اس کردار کی ضرورت کے مطابق خود کو تیار کرلیتے ہیں ویسے ہی پیڑیڈ ڈرامے کی شوٹنگ شروع کردی جائے گی۔ سنیماٹوگرافر ہدایت کار نے کہا کہ وہ چھترپتی سمبھاجی مہاراج کی کہانی کو بڑے پردے پر دکھانے کرنے کے خواہشمند ہیں۔ اٹیکر نےمزید کہا کہ 'ہم نے چھترپتی شیواجی مہاراج پر بہت سی فلمیں دیکھی ہیں لیکن کوئی نہیں جانتا کہ چھترپتی سنبھاجی مہاراج کتنے بڑے جنگجو تھے، یا مراٹھا سلطنت اور مہاراشٹر کے لیے ان کا تعاون کیا رہا تھا'۔

ہدایت کار نے کہا کہ فلم پری پروڈکشن کے مرحلے میں ہے اور اس کی شوٹنگ اگست یا ستمبر میں شروع ہوگی۔ ابھی تک اس فلم کے نام کا کوئی اعلان نہیں کیا گیا ہے۔ اس فلم کو دنیش وجن کی میڈاک فلمز کی حمایت حاصل ہے، جن کے ساتھ اٹیکر نے ماضی میں دو کامیاب فلمیں لُکا چھپی اور ممی میں کام کیا تھا۔ اٹیکر نے انکشاف کیا کہ فی الحال ان کی رومانوی کامیڈی فلم پر پوسٹ پروڈکشن کا کام جاری ہے جس میں کوشل اور سارہ علی خان اہم کردار میں ہیں۔ انہوں نے کہا کہ فلم تیار ہے، یہ اپریل میں تھیٹر میں ریلیز ہوگی۔