Mithilesh Chaturvedi Dies: فلم ریڈی کے اداکار متھیلیش چترویدی کا انتقال

مقبول ٹیلی ویژن شو 'نیلی چھتری والے' کے اداکار متھیلیش چترویدی کا 67 سال کی عمر میں دل کا دورہ پڑنے کی وجہ سے انتقال ہوگیا ہے۔Mithilesh Chaturvedi Dies

بالی ووڈ سے ایک اور افسوسناک خبر سامنے آئی ہے۔ مشہور ٹیلی ویژن شو'نیلی چھتری والے'، 'کوئی مل گیا' اور 'ریڈی' جیسی فلموں میں کام کرنے والے تجربہ کار اداکار متھیلیش چترویدی کا انتقال ہوگیا ہے۔ اطلاع کے مطابق ' متھیلیش چترویدی کا 3 اگست کو دل کا دورہ پڑنے سے انتقال ہو گیا تھا۔ ان کے داماد آشیش نے بھی فیس بک پر ایک جذباتی نوٹ شیئر کرکے موت پر سوگ کا اظہار کیا۔Mithilesh Chaturvedi Dies

جمعرات کی صبح فلمساز ہنسل مہتا نے انسٹاگرام پر یہ افسوسناک خبر شیئر کی ہے۔ہنسل مہتا نے اداکار کی تصویر شیئر کرتے ہوئے لکھا کہ 'آپ کی روح کو سکون ملے۔ واضح رہے کہ متھیلیش نے ہنسل مہتا کی سال 2020 میں آئی مقبول ویب سیریز 'اسکیم 1992' سے او ٹی ٹی پلیٹ فارم پر قدم رکھا تھا۔ اس میں پرتیک گاندھی، شریا اور ستیک کوشک کے ساتھ متھیلیش چترویدی اہم کردار میں تھے۔

آشیش نے آنجہانی اداکارہ کی کچھ تصویریں شیئر کرتےہوئے لکھا کہ ' آپ دنیا کے سب سے اچھے والد تھے، آپ نے مجھے داماد نہیں بلکہ ایک بیٹے کی طرح پیار کیا۔ بھگوان آپ کی روح کو سکون بخشے'۔

اس خبر کے سامنے آنے کے بعد فلمی ہستیوں سمیت فلمی شائقین نے اداکار کو خراج عقیدت پیش کیا ہے متھیلیش چترویدی نے کوئی مل گیا، اشوکا، گدر ایک پریم کتھا اور ریڈی جیسی کئی دیگر فلموں میں کام کیا ہے۔

90 کی دہائی میں متھیلیش چترویدی ٹیلی ویژن انڈسٹری میں کافی متحرک رہے۔ انہوں نے مقبول ٹیلی ویژن شو 'نیلی چھتری والے' کیا تھا، جس میں انہوں نے آتمارام چوبے کا کردار ادا کیا تھا۔ یہ شو اس وقت بہت مقبول ہوا تھا۔

متھیلیش چترویدی نے 1997 میں فلم بھائی بھائی سے بالی ووڈ میں قدم رکھا۔ اس کے بعد انہوں نے ستہ، تال، فضا، سڑک، کوئی مل گیا، گاندھی مائی فادر اور بنٹی ببلی جیسی فلموں میں کام کیا۔ انہوں نے سال 2020 میں آئی سیریز اسکیم 1992 سے ڈیجیٹل ڈیبیو کیا۔ متھیلیش اس وقت بانچھڑا فلم پر کام کر رہے تھے۔ اس کے علاوہ وہ تھیٹر میں بھی کافی سرگرم تھے۔ انہوں نے پریم تیواری، بنسی کول، دینا ناتھ، ارمل تھپلیال اور انوپم کھیر کے ہدایت کار میں بنے ڈراموں میں کام کیا۔