Swiggy Delivery Agents at Mannat سویگی کے ڈیلیوری بوائز شاہ رخ خان کے لیے کھانا لے کر منت پہنچے

شاہ رخ خان کو ایسے ہی کنگ خان نہیں کہا جاتا کیونکہ انہیں بغیر مانگے ہی چیزیں مل جاتی ہیں۔ حال ہی میں فوڈ ڈیلیوری ایپ سویگی کے کچھ ڈیلیوری بوائز شاہ رخ خان کے لیے کھانا لے کر ان کی رہائش گاہ منت پہنچے۔

حیدرآباد: بالی ووڈ سپر اسٹار شاہ رخ خان ٹویٹر پر اپنے حالیہ آسک ایس آر کےسیشن منعقد کیا۔ ٹویٹر پر مزے دار سوال و جواب کے اس سیشن میں فوڈ ڈیلیوری ایپ سویگی کی جانب سے اداکار کو ایک سرپرائز بھی ملا۔ دراصل ٹویٹر کے اس سوال و جواب کے سیشن کے دوران جہاں پوری دنیا کے شائقین نے مختلف موضوعات پر شاہ رخ خان سے کئی سوال کیے۔ مداحوں نے ان کی فلمیں، خاندان اور روزمرہ کی باتوں سے متعلق باتیں کی۔Swiggy delivery agents at Mannat

اس درمیان شاہ رخ خان نے پیر کے روز ایک مداح کے سوال کا جواب دیتے ہوئے مشہور فوڈ ڈیلیوری ایپ سویگی کا ذکر کردیا ۔ یہ سب اس وقت شروع ہوا جب ایک مداح نے شاہ رخ خان سے سوال کیا کہ "کھانا کھایا کیا بھائی؟'

اس پر جواب دیتے ہوئے شاہ رخ خان نے جواب دیا کہ 'کیوں بھائی آپ سویگی سے ہو۔۔۔ بھیج دوگے کیا'۔ اس درمیان سویگی نے شاہ رخ خان کو ٹیگ کرتے ہوئے ایک ٹویٹ لکھتے ہوئے کہا کہ ہم ہیں سویگی سے بھیج دیں کیا'۔ اس کے چند گھنٹوں کے اندر فوڈ ڈیلیوری ایپ کے کچھ ڈیلیوری بوائز شاہ رخ خان کی رہائش گاہ منت پہنچ گئے اور ایک ٹویٹ کرتے ہوئے بتایا کہ وہ شاہ رخ خان کے گھر کے باہر کھڑے ہیں۔انہوں نے ایک تصویر پوسٹ کرتے ہوئے لکھا کہ ' ہم سویگی والے ہیں اور ہم ڈنر لے کر آگئے'۔

واضح رہے کہ شاہ رخ خان کو حال ہی میں انہیں پٹھان میں دمدار ایکشن کرتےہوئے دیکھا گیا تھا۔ رواں سال ان کی مزید دو فلمیں جوان اور ڈنکی ریلیز ہونے والی ہے۔