ممبئی: آنجہانی اداکار سُشانت سنگھ راجپوت کا پیارا پالتو جانور فج منگل کی صبح انتقال کر گیا۔ سُشانت کی بہن پرینکا سنگھ نے ٹویٹر پر اداکار کے ساتھ فج کی کچھ تصاویر شیئر کیں اور سُشانت کے مداحوں کو اس افسردہ خبر کی جانکاری دی۔ انہوں نے ٹویٹ کرتے ہوئے لکھا کہ 'بہت وقت تک رہے! اب تم اپنے دوست کے ساتھ جنت میں ہوگے۔۔ جلد ہی آئیں گے! تب تک کے لیے ۔۔۔۔میرا دل ٹوٹ گیا ہے'۔Sushant Singh Rajput Pet Dies
پرینکا کے یہ خبر شیئر کرنے کے فوراً بعد سُشانت کے مداحوں نے اس پوسٹ پر اپنے ردعمل ظاہر کیے اور سشانت کے اہل خانہ سے دلی تعزیت ظاہر کی۔ ایک پرستار نے تبصرہ کرتے ہوئے لکھا کہ ' تمہاری روح کو سکون ملے فج، کہنے کےلیے کچھ نہیں ہے۔۔۔ یہ ہم سب کے لیے دل کو توڑ دینے والی خبر ہے۔۔۔ لیکن وہ سُشانت کا سچا دوست ہے اور اس کے ساتھ ہمیشہ کے لیے خوش رہنے کے لیے اپنے دوست کے پاس چلا گیا ہے۔۔'۔ ایک اور مداح نے لکھا کہ 'یہ بہت دل توڑنے والا ہے امید ہے کہ آپ دونوں جنت میں ملیں گے اور ہمیشہ وہاں رہیں گے'۔ ایک اور مداح نے لکھا کہ ' مجھے یہ جان کر بہت افسوس ہوا۔ میں صرف تصور کرسکتا ہوں کہ یہ آپ سب کے لیے کتنا مشکل ہوگا۔۔ یہ ہمارے لیے بھی مشکل ہے۔ فج ایس ایس آر سے خالص محبت کرتا تھا۔ ان کی زندگی کا ایک اور حصہ ہمیں چھوڑ کر چلا گیا'۔