حیدرآباد: جب سے آئندہ کامیڈی فلم ہیرا پھیری 3 کا اعلان ہوا ہے تب سے فلم کو کافی توجہ مل رہی ہے۔ اکشے کمار کے فلم میں شامل ہونے کی تصدیق کے بعد سے شائقین کی توقعات عروج پر ہے کہ دوبارہ ان تینوں کا وہی جادو بڑے اسکرین پر دیکھنے کو ملے گا جیسا کہ سال 2000 میں پریا درشن کی کامیڈی کلاسک فلم ہیرا پھیری میں دیکھنے کو ملا تھا۔ اس کے علاوہ فلم میں سنجے دت کے شامل ہونے کی خبروں نے بھی شائقین کی توقعات اور تجسس میں اضافہ کیا ہے۔ اکشے، سنیل اور پریش، جو متعدد فلموں میں ایک ساتھ نظر آئے ہیں، تقریباً 17 سال بعد ہیرا پھیری کے ساتھ دوبارہ جلوہ گر ہوں گے۔
اس دوران یہ سوالات اٹھائے جا رہے ہیں کہ کیا ہیرا پھیری 3 میں نئی کہانی دیکھنے کو ملے گی یا پھر فلم کی کہانی وہاں سے شروع ہوگی جہاں پر فلم پھر ہیرا پھیری کی کہانی کو ختم کیا گیا تھا۔ تاہم بعض اطلاعات کے مطابق، کہانی وہیں سے شروع ہوگی جہاں یہ ختم ہوئی تھی- ایک حالیہ انٹرویو میں سنیل شیٹی سے پوچھا گیا کہ کیا ہیرا پھیری 3 کی کہانی کوئی نہیں چھلانگ لگائے گی۔ تب اداکار نے 'ہاں' اور 'نہیں' میں جواب دیا۔ انہوں نے کہا کہ کردار ایک جیسے ہیں اس لیے انہیں کہانی کو نئی سرے سے شروع کرنے کی ضرورت نہیں ہے۔ سنیل کے مطابق اسکرپٹ بہترین ہے اور یہ ان تینوں لڑکوں (پریش بطور بابو راؤ، سنیل بطور شیام، اور اکشے بطور راجو) پر مبنی ہے اور جیسے ہی ان کی جدوجہد شروع ہوتی ہے فلم میں بابا (سنجےدت) کی انٹری ہوتی ہے جو فلم کو مزید مزے دار بنا دے گا۔