SRK at NMACC event: این ایم اے سی سی ایونٹ سے شاہ رخ خان کی فیملی فوٹو وائرل، دیکھیں

نیتا مکیش امبانی کلچرل سینٹر کی افتتاحی تقریب میں شاہ رخ خان کے اہل خانہ کو اداکار کے بغیر پاپرازی کے لیے تصویریں کھنیچاتے ہوئے دیکھا گیا تھا۔ اس تقریب میں شاہ رخ خان اپنے اہل خانہ کے ساتھ نہیں پہنچے تھے لیکن اب ان کی ایک تصویر سامنے آئی ہے جس میں وہ اپنی اہلیہ گوری خان، بیٹے آرین اور بیٹی سہانا کے ساتھ نظر آرہے ہیں۔

بالی ووڈ اداکار شاہ رخ خان ابھی بھی میڈیا کی نظروں سے دوری بنائے رکھنا چاہتے ہیں۔ گزشتہ روز ممبئی میں نیتا مکیش امبانی کلچرل سینٹر (این ایم اے سی سی) کی افتتاحی تقریب میں گوری خان اپنے دونوں بچوں سہانا اور آرین خان کے ساتھ پہنچی تھیں۔ لیکن سب کی نظریں کنگ خان کو تلاش کر رہی تھی۔ اب شاہ رخ خان کی اپنے اہل خانہ کے ساتھ ایک تصویر سامنے آئی ہے، جو سوشل میڈیا میں وائرل ہورہی ہے۔

اس تصویر میں شاہ رخ خان اپنی اہلیہ گوری، بیٹے آرین خان اور بیٹی سہانا خان کے ساتھ پوز دیتے ہوئے نظر آرہے ہیں۔ سوشل میڈیا میں شاہ رخ خان کے بہت سے فین پیجز نے کنگ خان کی پرفیکٹ فیملی فوٹو شیئر کی ہے۔ اس تقریب میں جہاں شاہ رخ خان اپنے اہل خانہ کے ساتھ ریڈ کارپیٹ پر جلوہ گر نہیں ہوئے وہیں اس دوران سلمان خان کی گوری خان، آرین خان اور سہانا خان کے ساتھ ریڈ کارپیٹ پر لی گئی تصاویر وائرل ہورہی ہے۔

شاہ رخ خان کی ایک اور تصویر وائرل ہورہی ہے جس میں وہ بے حد شاندار لگ رہے ہیں۔شاہ رخ کی مینیجر پوجا ددلانی نے اپنے انسٹاگرام پر اس تقریب سے شاہ رخ خان کی تصاویر شیئر کیں۔ اس تصویر میں شاہ رخ بلیک سوٹ پینٹ میں بے حد خوبصورت لگ رہے ہیں۔

واضح رہے کہ نیتا مکیش امبانی کلچرل سینٹر کے لانچ کے موقع پر صرف بالی ووڈ ہی نہیں بلکہ کھیل جگت کے مشہور شخصیات، سیاسی رہنما سمیت ہالی ووڈ اداکار بھی نظر آئے۔ شاہ رخ خان کے علاوہ ان کی فیملی، سلمان خان، دیپیکا اور رنویر، پرینکا چوپڑا اور نک جونس، کرینہ کپور خان، سیف علی خان، عالیہ بھٹ، کریتی سینن نے بھی شرکت کی۔ اس کے علاوہ مشہور ماڈل جی جی حدید، ٹام ہالینڈ اور زندیا جیسے عالمی شہرت یافتہ شخصیات بھی نظر آئی۔