Sidhu Moosewala New Song : پنجابی گلوکار سدھو موسے والا کی موت کے بعد تیسرا گانا 'میرا نا' ریلیز

آنجہانی گلوکار سدھو موسے والا کی موت کے بعد تیسرا گانا 'میرا نا' آج ریلیز کردیا گیا ہے۔ اس گانے کو 11 منٹ میں 11 لاکھ سے زائد افراد نے دیکھ لیا ہے۔

مشہور پنجابی گلوکار سدھو موسے والا، جن کا گزشتہ سال قتل کردیا گیا تھا، کی موت کے بعد آج ان کا تیسرا گانا ریلیز کردیا گیا ہے۔ گلوکار کی بے وقت موت کے بعد ان کے دو گانے 'وار' اور ' ایس وائی ایل' کو گزشتہ سال ریلیز کیا گیا تھا۔ یہ دونوں گانے موسے والا کے گانے کے منفرد انداز اور صلاحیت کو ظاہر کرتے ہئں۔ اب ان کی موت کے بعد یہ تیسرا گانا ' میرا نا' ہے جس کے ریلیز ہونے کا مداح بے صبری سے انتظار کر رہے تھے۔ اس گانے کو برطامیہ کے گریمی ایوارڈ یافتہ ریپر برنا بوائے کے ساتھ مل کر بنایا گیا ہے۔ یہ گانا آج 7 اپریل کو ریلیز کردیا گیا ہے۔Sidhu Moosewala New Song

نیا گانا 'میرا نا' سدھو موسے والا کے انسٹاگرام اکاؤنٹ پر بھی شیئر کیا گیا ہے۔ اس کے علاوہ یہ یوٹیوب چینل پر بھی دستیاب ہے۔اگر گانے کی بات کریں تو اس گانے کو ریلیز کے صرف 11 منٹ میں 11 لاکھ افراد تک دیکھ چکے ہیں، گانے کی شروعات 'میرا نا میرا نا' سے ہوتی ہے۔ گانے میں گلوکار کی مقبولیت کو بیان کیا گیا ہے۔ اب شائقین اس گانے پر تبصرے کر رہے ہیں، کئی مداح گانا سن کر جذباتی ہو گئے ہیں۔

اس سے قبل گلوکار کی موت کے بعد دو گانے ریلیز کیے گئے تھے۔ اس سے پہلے ریلیز ہونے والا گانا 'وار' تھا، جس نے ریلیز ہوتے ہی دھوم مچا دی تھی۔ یہ گانا لیجنڈری سکھ جنرل ہری سنگھ نلوا کے بارے میں بات کرتا ہے، جنہیں آج بھی دنیا کے عظیم جنگجوؤں میں شمار کیا جاتا ہے۔ اس کے بعد ان کا دوسرا گانا 'ایس وائی ایل' تھا، جس میں سدھو نے دو بھارتی ریاستوں ہریانہ اور پنجاب کے درمیان تنازعہ اور اس حقیقت کے بارے میں بات کی ہے کہ کیسے پہلے یہ دونوں ایک ہی ریاست تھے اور بعد میں یہ تقسیم ہوگئے۔ ایس وائی ایل پانی کی فراہمی پر دونوں ریاستوں کے درمیان کئی دہائیوں کے تنازعہ کو بیان کرتی ہے۔ اس گانے کو ریلیز کے کچھ دیر بعد ہی ہٹا دیا گیا تھا۔

واضح رہے کہ گزشتہ سال 29 مئی کو پنجاب کے منسا میں لارنس بشنوئی کے گینگ کے کچھ لوگوں نے گلوکار کا گولی مار کر قتل کردیا تھا۔