Koffee With Karan 7: سدھارتھ ملہوترا کا کیارا اڈوانی کے ساتھ روشن مستقبل کا اظہار

کافی ود کرن سیزن 7 کے نئے ایپی سوڈ کا پرومو ریلیز کردیا گیا ہے، جس میں وکی کوشل اور سدھارتھ ملہوترا کا پنجابی انداز دیکھنے کو مل رہا ہے۔ پرومو کو دیکھ کر لگتا ہے کہ جلد ہی ایک اور بالی ووڈ اسٹار شادی کی بندھن میں بندھنے والا ہے۔ Koffee With Karan 7

حیدرآباد (تلنگانہ): کافی ود کرن 7 کے آئندہ ایپی سوڈ میں میزبان کرن جوہر، سدھارتھ ملہوترا سے کیارا اڈوانی کے ساتھ اپنے تعلقات کے بارے میں پوچھتے ہوئے نظر آئیں گے۔ اتنا ہی نہیں کرن، سدھارتھ کو کیارا کے ساتھ شادی کرنے کے لیے کہتے ہوئے بھی نظر آرہے ہیں۔ کافی ود کرن کے نئے ایپی سوڈ کا پرومو ریلیز کردیا گیا ہے، جس میں وکی کوشل اور سدھارتھ ملہوترا کے پنجابی انداز کی جھلک دیکھنے کو مل رہی ہے۔ Koffee With Karan 7

ویڈیو کو دیکھ کر لگتا ہے کہ جلد ہی ایک اور بالی ووڈ اسٹار شادی کرنے والا ہے۔ کافی ود کرن کے پچھلے سیزن میں وکی اور کترینہ بھلے ہی الگ الگ ایپی سوڈ میں نظر آئے تھے لیکن اسی شو میں ان کی محبت کی بیج بوئی گئی تھی۔ وکی اور کترینہ کے کامیاب رشتے کی جانب اشارہ کرتے ہوئے کرن اپنے شو میں آنے والے مہمانوں سے ان کی 'لو لائف' کے بارے میں بات کرنے پر زور دیتے ہیں کیونکہ انہیں لگتا ہے کہ یہ شو ان لوگوں کے لیے خوش قسمت ثابت ہوا ہے جو شادی کی خواہش کرتے ہیں

پرومو میں دیکھا جاسکتا ہے کہ کرن، سدھارتھ سے یہ جانکاری حاصل کرنے کی کوشش کرتے ہیں کہ وو اور کیارا کب شادی کرنے والے ہیں۔ کرن کی اس کوشش پر سدھارتھ نے کہتے ہیں کہ 'میں روشن اور خوشنما مستقبل کی تمنا کرتا ہوں'۔

دریں اثنا، سدھارتھ اور کیارا کے بارے می کہا جارہا ہے کہ یہ جوڑی ایک بار پھر بڑے پردے پر جادو بکھیرتی ہوئی نظر آنے والی ہے۔ دونوں جلد ہی ایک رومانوی فلم میں نظر آنے والے ہیں، جس کا نام ادل بدل ہوگا۔ اس فلم میں دونوں ایک ایسے اوتار میں نظر آئیں گے جسے شائقین نے پہلے کبھی نہیں دیکھا ہوگا۔ یہ فلم سنیر کھیترپال کی ہدایتکاری میں بننے والی ہے۔