Siddharth- Kiara Wedding Reception: سدھارتھ اور کیارا نے شادی کی استقبالیہ تقریب میں مہمانوں کے ساتھ 'کالا چشمہ' پر ڈانس کیا، ویڈیو وائرل

بالی ووڈ جوڑے سدھارتھ ملہوترا اور کیارا اڈوانی ان دنوں اپنی شادی کی وجہ سے سرخیوں میں ہیں۔ اتوار کو جوڑے نے ممبئی کے سینٹ ریجس میں اپنی شادی کی دوسری استقبالیہ تقریب کا انعقاد کیا۔ اب اس تقریب سے ایک ویڈیو منظر عام پر آئی ہے، جس میں یہ جوڑا اپنے مہمانوں کے ساتھ ڈانس کرتے نظر آرہا ہے۔

ممبئی:نئی شادی شدہ جوڑے سدھارتھ ملہوترا اور کیارا اڈوانی نے اتوار (12 فروری) کو ممبئی میں انڈسٹری سے تعلق رکھنے والے اپنے دوستوں کے لیے شادی کی ایک شاندار استقبالیہ تقریب کا اہتمام کیا، جس میں بالی ووڈ اداکارہ عالیہ بھٹ، نیتو کپور، کرینہ کپور خان، کرن جوہر کاجول، اجے دیوگن، رنویر سنگھ، ورون دھون، ودیا بالن سمیت بالی ووڈ کے کئی مشہور شخصیات نے شرکت کی۔ جہاں جوڑے کے ساتھ مہمانوں نے اپنے شاندار اسٹائل سے محفل لوٹ لی۔ اس دوران سدھارتھ اور کیارا اپنے پورے خاندان کے ساتھ پاپرازی کے لیے پوز دیتے ہوئے نظر آئے۔ وہیں اب سدھارتھ ملہوترا اور کیارا اڈوانی کے استقبالیہ تقریب کی ایک ویڈیو منظر عام پر آئی ہے، جس میں یہ جوڑا مہمانوں کے ساتھ خوب مزے کرتے ہوئے نظر آ رہے ہیں۔Siddharth- Kiara Wedding Reception

سدھارتھ اور کیارا کی شادی کے استقبالیہ کی ایک ویڈیو انسٹاگرام پر کافی وائرل ہو رہی ہے، جس میں سدھارتھ ملہوترا کی فلم 'بار بار دیکھو' کا گانا 'کالا چشمہ' سنائی دے رہا ہے۔ اس وائرل ویڈیو میں کئی مہمانوں کو سدھارتھ اور کیارا کے ساتھ ڈانس کرتے دیکھا جا سکتا ہے۔

اپنی شادی کی دوسری استقبالیہ کے لیے کیارا اڈوانی نے فش ٹیل گاؤن کا انختاب کیا۔ اس لباس کے ساتھ کیارا نے خوبصورت ہیرے کا زیور بھی پہنا تھا اور اپنے میک اپ کو بالکل ہلکا رکھا تھا۔ جبکہ سدھارت بلیک سوٹ میں بے حد خوبصورت لگ رہے تھے۔ سدھارتھ ملہوترا اور کیارا اڈوانی 7 فروری کو شادی کے بندھن میں بندھ گئے۔ انہوں نے اپنے خاندان اور قریبی دوستوں کی موجودگی میں جیسلمیر کے سوریا گڑھ پیلس میں شادی کی۔ اس کے بعد انہوں نے دہلی میں اپنے رشتہ داروں کے لیے شادی کی شاندار استقبالیہ کی میزبانی کی، جس کے بعد یہ جوڑا ممبئی روانہ ہوا اور اپنے فلمی دوستوں کے لیے اس استقبالیہ تقریب کا اہتمام کیا۔