Shehnaaz Gill B'day: شہناز گل نے اپنی سالگرہ جشن کی ایک ویڈیو شیئر کی

شہناز گل نے جمعرات کی رات اپنی سالگرہ قریبی دوستوں اور اپنے بھائی شہباز گل کے ساتھ منائی۔ اداکارہ نے اپنی سالگرہ تقریب کی ایک جھلک سوشل میڈیا پر شیئر کی۔

ممبئی: شہناز گل جمعہ کو 29 سال کی ہوگئی ہیں اور انہوں نے اپنے دوستوں کے ساتھ اپنی سالگرہ منائی۔ اس موقع پر شہناز نے اپنے مداحوں کے ساتھ ایک خصوصی ویڈیو شیئر کی جس میں وہ اپنی سالگرہ کا جشن مناتی نظر آئیں۔ اس ویڈیو میں وہ ایک ہوٹل کمرے میں اپنی ٹیم، رشتہ داروں اور دوستوں کے ساتھ کیک کاٹتی ہوئی نظر آرہی ہیں۔Shehnaaz Gill B'day

اداکار ورون شرما کو بھی ہوٹل میں شہناز کی سالگرہ مناتے ہوئے دیکھا گیا۔ اداکارہ ہیپی برتھ ڈے گانے پر رقص کرتے اور مسکراتی نظر آرہی ہیں اور ہمیشہ کی طرح وہ اس ویڈیو میں بھی خوبصورت لگ رہی ہیں۔ ویڈیو میں انہیں اپنے بھائی شہباز کے چہرے پر کیک لگاتے ہوئے دیکھا جاسکتا ہے۔

ویڈیو میں دیکھا جاسکتا ہے کہ کیک کاٹتے ہوئے جب شہناز کے دوست ان سے 'ایک دعا' مانگنے کو کہتے ہیں تب اداکارہ اس کا جواب دیتے ہوئے کہتی ہیں کہ ' میں دعا نہیں مانگتی'۔۔۔ ویڈیو کے آخر میں شہناز خود کو سالگرہ کی مبارکباد کہتی ہوئی نظر آتی ہیں۔ اس ویڈیو میں سب خوش اور شہناز کی سالگرہ کا جشن مناتے نظر آرہے ہیں۔ اس ویڈیو کو شیئر کرتے ہوئے شہناز نے لکھا کہ ' ایک سال اور بڑی ہوگئی۔۔مجھے سالگرہ مبارک ہو'۔

شہناز گل نے پنجابی موسیقی اور فلم انڈسٹری میں اپنے کیریئر کا آغاز کیا لیکن انہیں شہرت بگ باس 13 سے حاصل ہوئی۔ وہ اب کسی کا بھائی کسی کی جان میں سلمان خان کے ساتھ بالی ووڈ میں قدم رکھنے کے لیے تیار ہے۔ وہ ساجد خان کی فلم 100% میں بھی نظر آئیں گی۔ جان ابراہم، رتیش دیش مکھ اور نورا فتحی بھی فیملی انٹرٹینر کا حصہ ہیں۔

اس کے علاوہ وہ میوزک ویڈیوز میں نظر آتی رہتی ہیں۔ حال ہی میں انہوں نے گرو رندھاوا کے ساتھ مون رائز میں کام کیا۔ گزشتہ سال ریلیز ہونے والے اس گانے کے آڈیو ورژن کو سامعین کی جانب سے بے پناہ محبت ملی تھی اور اب اس گانے کے میوزک ویڈیو میں نظر آرہے شہناز اور گرو کی کیمسٹری کو بہت پسند کیا جارہا ہے۔