حیدرآباد: بالی ووڈ کے 'بادشاہ' شاہ رخ خان نے آج (25 جون) ہندی فلم انڈسٹری میں اپنے کریئر کے 30 سال مکمل کر لیے ہیں۔ اس خاص موقع پر شاہ رخ خان نے مداحوں کو بڑا تحفہ دیا ہے اور اپنی آئندہ فلم پٹھان سے اپنا نیا لُک جاری کیا ہے۔ شاہ رخ خان نے فلم 'پٹھان' کا ایک طاقتور موشن پوسٹر سوشل میڈیا پر مداحوں کے ساتھ شیئر کیا ہے۔ SRK Shares New Pathaan Look
پوسٹر میں شاہ رخ خان ایک ہاتھ میں بندوق لیے کھڑے ہیں۔ شاہ رخ کا یہ روپ دیکھ کر مداحوں میں خوشی کی لہر دوڑ گئی۔ انسٹاگرام پر موشن پوسٹر شیئر کرتے ہوئے شاہ رخ نے لکھا کہ '30 سال ہوگیا ہے اور میں کوئی گنتی نہیں کر رہا ہوں کیونکہ آپ کی محبت اور مسکراہٹ لامحدود ہے۔ یہ سفر پٹھان کے ساتھ جاری ہے۔ 25 جنوری 2023 کو یش راج فلم 50 کے ساتھ پٹھان کا جشن منائیں گے۔ یہ فلم ہندی، تمل اور تیلگو میں ریلیز ہو رہی ہے'۔
ساتھ ہی شاہ رخ کی اس شاندار پوسٹ پر ان کے مداح بھی اپنا ردعمل ظاہر کر رہے ہیں۔ 'پٹھان' کے اس موشن پوسٹر کو اب تک 5 لاکھ سے زیادہ لائکس مل چکے ہیں۔ آپ کو بتاتے چلیں کہ جان ابراہم بھی 'پٹھان' میں اہم کردار میں ہیں۔ SRK Celebrates 30 Years in Bollywood