ممبئی: بالی ووڈ کے کنگ خان شاہ رخ خان کی آنے والی فلم جوان 7 ستمبر کو ریلیز ہوگی۔ شاہ رخ خان ان دنوں ایٹلی کی ہدایت کاری میں بننے والی فلم جوان میں کام کر رہے ہیں، جبکہ گوری خان اس فلم کو پروڈیوس کر رہی ہیں۔ فلم جوان کا نیا موشن پوسٹر جاری کر دیا گیا ہے۔ جوان کے پوسٹر میں ایک آدمی کو نیزے جیسی چیز کے ساتھ آسمان سے چھلانگ لگاتے ہوئے دیکھا جا سکتا ہے۔ اس کے پورے جسم پر پٹی بندھی ہوئی ہے۔ کہا جا رہا ہے کہ شاہ رخ خان کی فلم 'جوان' امیتابھ بچن کی فلم 'آخری راستہ' سے متاثر ہے، جو کمل ہاسن کی فلم 'اورو کیدین ڈائریز' کا ریمیک تھی۔ ان فلموں میں امیتابھ بچن اور کمل ہاسن نے باپ بیٹے کا ڈبل رول ادا کیا تھا۔ کہا جا رہا ہے کہ شاہ رخ خان فلم 'جوان' میں باپ اور بیٹے کا ڈبل رول کرتے نظر آئیں گے۔
فلم جوان میں شاہ رخ خان کے ساتھ نین تارا، وجے سیتھوپتی اور سانیا ملہوترا کا بھی اہم کردار ہوگا۔ فلم 7 ستمبر 2023 کو سینما گھروں میں ریلیز ہوگی۔ بتا دیں فلم پہلے 25 اگست 2023 کو ریلیز ہونے والی تھی لیکن فلم کے پوسٹ پروڈکشن کی وجہ سے تاخیر کو دیکھتے ہوئے جوان کو ریلیز کی نئی تاریخ مل گئی ہے۔ ریڈ چلیز انٹرٹینمنٹ نے سوشل میڈیا پر پوسٹ شیئر کرتے ہوئے نئے ٹیزر کے ساتھ فلم کی ریلیز کی نئی تاریخ کا اعلان کیا ہے۔ یہ فلم اب 7 ستمبر 2023 کو سینما گھروں میں ریلیز ہونے والی ہے۔ فلم کی نئی ریلیز کی تاریخ یقیناً شاہ رخ خان کے مداحوں کے لیے بڑی خوشخبری ہے۔