SRK and Salman on Pathaan: پٹھان کی کامیابی کے بعد شاہ رخ اور سلمان نے ایک ساتھ کام کرنے پر خوشی ظاہر کی

شاہ رخ خان اور سلمان خان نے پٹھان میں اپنے ایکشن سین کے بارے میں تفصیل سے بات کی ہے۔ شاہ رخ خان نے بتایا کہ انہوں نے ٹائیگر کے اسکارف کو ایک یادگار کے طور پر اپنے پاس رکھ لیا ہے۔

فلم کرن ارجن کی زبردست جوڑی کئی برسوں بعد ایک ساتھ زبردست ایکشن کرتے ہوئے بڑے پردے پر نظر آئی ہے۔ شاہ رخ خان اور سلمان خان نے پٹھان میں اپنی آن اسکرین یونین کے بارے میں بات کی ہے، جو باکس آفس پر ہر روز نئے ریکارڈ بنا رہی ہے۔ سلمان نے پٹھان میں ٹائیگر کے طور پر ایک کیمیو ادا کیا تھا۔ فلم میں سلمان اور شاہ رخ خان کے اوپر فلمائے گئے اس منظر کو شائقین کی جانب سے زبردست ردعمل ملا ہے۔ شاہ رخ خان کی فلم پٹھان، سلمان خان کی ایک تھا ٹائیگر اور ٹائیگر زندہ ہے اور ریتک روشن کی فلم وار یش راج فلمز کی اسپائی یونیورس کا حصہ ہے۔

فلم پٹھان کی کامیابی کے بعد حال ہی میں دونوں سپراسٹارز نے فلم میں کام کرنے کے اپنے تجربے کے بارے میں بات کی۔ بات چیت کے دوران شاہ رخ خان نے بتایا کہ انہوں نے ٹائیگر کے اسکارف کو ایک یادگار کے طور پر اپنے پاس رکھ لیا ہے۔ فلم کے ایک اہم سین میں جب بدمعاش شاہ رخ خان کو پکڑ لیتے ہیں تب اس دوران سلمان کی شاندار انٹری ہوتی ہے۔

اسکرین پر دوبارہ شاہ رخ خان کے ساتھ کام کرنے کے بارے میں سلمان بتاتے ہیں کہ 'بڑے پردے پر شاہ رخ اور مجھے ایک ساتھ لانے کے لیے ہمیشہ ایک خاص فلم کی ضرورت تھی اور مجھے خوشی ہے کہ پٹھان وہ فلم رہی۔ جب ہم نے کرن ارجن کی تھی، یہ ایک بلاک بسٹر تھی اور اب پٹھان، جو یش راج فلمز کی اسپائی یونیورس کا حصہ ہے، بھی ایک بلاک بسٹر ثابت ہوئی ہے۔ میں جانتا ہوں کہ شائقین ہمیں اسکرین پر ایک ساتھ دیکھنا پسند کرتی ہے اور مجھے خوشی ہے کہ انہوں نے پٹھان میں ہمیں اتنا پیار دیا ہے۔ جب آدی (آدتیہ چوپڑا) نے مجھے اس سین کے بارے میں بتایا اور ہمیں دوبارہ اسکرین پر ایک ساتھ لانے کے اپنے وژن کے بارے میں بتایا تو میں حیران رہ گیا'۔

انہوں نے مزید کہا کہ 'ان (آدتیہ چوپڑا ) کا ارادہ ہمارے مداحوں اور شائقین کو وہ دینا تھا جو وہ ہمیں کرتے ہوئے دیکھنا چاہتے تھے۔ یہ دیکھتے ہوئے کہ آدی مجھے اور شاہ رخ کو کتنا قریب سے جانتے ہیں، وہ واقعی میں اس سین میں ہمیں ویسا دکھانے میں کامیاب ہوئے جیسے کہ ہم ہیں۔یہی وجہ ہے کہ لوگ ہمیں سکرین پر دیکھ کر پیار کر رہے ہیں اور جس طرح سے سدھارتھ نے اس سین کو انجام دیا اور ہمیں پیش کیا وہ بالکل شاندار تھا۔ پٹھان جو ریکارڈ قائم کر رہی ہے اسے دیکھ کر میں شاہ رخ اور یش راج فلمز کے لیے خوش ہوں۔ یہ بھارتی سنیما کے لیے ایک بہت بڑی جیت ہے کہ ہم وبائی امراض کے بعد لوگوں کو تھیٹروں میں واپس لانے کے قابل ہوپائے ہیں'۔

وہیں شاہ رخ خان نے بتایا کہ انہیں سلمان کے ساتھ دوبارہ کرنے کے لیے ایک اچھی اسکرپٹ کا انتظار تھا۔ انہوں نے کہا کہ' جب میں یہ کہتا ہوں تو مجھ پر یقین کریں، سلمان اور میں ہمیشہ سے ایک ساتھ اداکاری کرنا چاہتے تھے لیکن ہم صحیح فلم، صحیح اسکرپٹ کا انتظار کر رہے تھے کیونکہ ہم دونوں جانتے تھے کہ ہمیں اسکرین پر دیکھنے کے لیے لوگوں میں کافی جوش و خروش ہوگا لیکن ہمیں شائقین کے ساتھ کیے گئے وعدے پہ پورا اترنا تھا کیونکہ وہ ہم سے بہت پیار کرتے ہیں۔ اگر ایسا نہیں ہوتا تو وہ بہت مایوس ہوتے اور یہ پروجیکٹ کے لیے کام نہیں کرتا۔ مطلب فینز کا سوال ہے، چھوٹی اسکرپٹ پر نہیں چھوڑ سکتے'۔

انہوں نے مزید کہا کہ 'اس لیے جب آدی نے مجھے یش راج فلمز کے اسپائی یونیورس سے دو شاندار اسپائی ایجنٹ ٹائیگر اور پٹھان کو ایک ساتھ لانے کے خیال کا ذکر کیا، جو ایک ساتھ زبردست ایکشن سین کرتے ہیں، جو مجھے امید ہے کہ اب تک بہت سے لوگوں نے دیکھا ہو گا، میں فورا راضی ہوگیا کیونکہ یہ خیال سلمان اور مجھے بڑے پردے پر دکھانے کا وعدہ کر رہا تھا۔ مجھے خوشی ہے کہ لوگوں نے ہمیں پٹھان میں ایک ساتھ دیکھنا پسند کیا ہے۔

شاہ رخ نے مزید کہا کہ 'میں جانتا ہوں کہ شائقین نے ہمیں اس طرح اسکرین پر دیکھنے کا طویل انتظار کیا ہے اور مجھے خوشی ہے کہ ہم نے ایک ایسی فلم پیش کی ہے جس سے وہ خوب لطف اندوز ہو رہے ہیں۔ اس کے علاوہ سیٹ پر بھائی کے ساتھ بہت مزہ آتا ہے۔ میں اسکرین پر ان کے ساتھ رہنا یاد کرتا ہوں لہذا یہ سب کچھ ویسا ہی ہوا جیسا کہ ہونا چاہئے… اور میں ٹائیگر اسکارف کو ایک یادگار کے طور پر رکھ رہا ہوں!!'۔