حیدرآباد: بالی ووڈ کے 'بادشاہ' شاہ رخ خان ایک بار پھر فلم انڈسٹری میں سرگرم ہوگئے ہیں۔ سال 2018 میں آئی فلم 'زیرو' کے فلاپ ہونے کے بعد شاہ رخ خان نے سال 2022 میں فلم 'پٹھان' اور 'ڈنکی' کا اعلان کرکے مداحوں کے چہروں پر خوشیاں لانے کا کام کیا۔ اب شاہ رخ مداحوں کے لیے ایک اور بڑا تحفہ لے کر آئے ہیں۔ 'پٹھان' اور 'ڈنکی' کے بعد شاہ رخ نے 3 جون کو اپنی تیسری فلم 'جوان' کا ٹیزر ریلیز کردیا ہے۔ فلم میکرز نے آج ہی اس فلم کے ٹیزر کا اعلان کیا تھا جس کے بعد ٹیزر کو دوپہر میں ریلیز کردیا گیا۔ اس فلم کی ہدایتکاری ایٹلی کر رہے ہیں۔ SRK's Jawan Teaser Release
فلم کے ٹیزر میں شاہ رخ خان کا خوفناک انداز دیکھنے کو مل رہا ہے۔ فلم اگلے سال 2 جون کو ریلیز ہوگی۔ شاہ رخ اور ہدایتکار اٹیلی اس فلم کے لیے پہلی بار ایک ساتھ آئے ہیں۔ فلم 'جوان' ہندی کے علاوہ تمل، تیلگو، ملیالم اور کنڑ میں بھی ریلیز ہوگی۔ Jawan Release Date
اس سے قبل شاہ رخ خان کے ہوم پروڈکشن ہاؤس ریڈ چلی انٹرٹینمنٹ نے 3 جون کو ہی ایک پوسٹ کے ذریعے بتایا تھا کہ وہ نئی فلم کا اعلان کرنے جا رہے ہیں۔ اس کے ساتھ پوسٹ میں نئی فلم کے اعلان کا وقت بھی بتایا گیا جو کہ دوپہر 2 بجے کا تھا۔