SRK Role in Rocketry: فلم راکیٹری کے لیے شاہ رخ نے کوئی معاوضہ نہیں لیا

آر مادھون اپنی آئندہ فلم ' راکیٹری' کے پروموشن کے لیے دہلی پہنچے۔ جہاں انہوں نے بتایا کہ اس فلم میں کام کرنے کے لیے بالی ووڈ کنگ خان نے کوئی معاوضہ نہیں لیا ہے۔ SRK Role in Rocketry

آر مادھون کا شمار سنیما کی دنیا میں نامور اور معروف اداکار کے طور پر ہوتا ہے۔اداکار ان دنوں اپنی فلم 'راکیٹری: دی نمبی ایفیکٹ' کے لیے سرخیوں میں ہیں۔ اداکار کی فلم ریلیز کے لیے تیار ہے۔ یہ فلم سابق سائنسدان اور اسرو کے ایرو اسپیس انجینئر نمبی نارائن کی زندگی پر مبنی ہے، جس میں اداکار مرکزی کردار ادا کر رہے ہیں۔ آر مادھون نے اس فلم کے لیے بہت محنت کی ہے۔ اپنی شکل بدلنے سے لے کر وزن بڑھانے تک اداکار نے اپنے کردار کے ساتھ مکمل انصاف کرنے کی ہر ممکن کوشش کی۔SRK Role in Rocketry

ایسے میں آر مادھون فلم کی تشہیر میں کوئی کسر نہیں چھوڑ رہے ہیں۔قومی راجدھانی دہلی میں اپنی فلم کے پروموشن کے دوران آر مادھون نے کنگ خان یعنی شاہ رخ کی دلداری اور فراخدی کا ذکر کیا۔ پروموشن کے دوران ہی آر مادھون نے انکشاف کیا ہے کہ شاہ رخ خان نے ان کی اس فلم کا حصہ بننے کی خواہش ظاہر کی تھی اور کنگ خان نے فلم میں اپنے کردار کے لیے کوئی رقم نہیں لی۔

نئی دہلی میں اپنی فلم کی تشہیر کے دوران آر مادھون نے شاہ رخ خان کو یاد کرتے ہوئے کہا کہ' انہوں نے مجھ سے فلم کی حیثیت کے بارے میں پوچھا تھا اور فلم کا حصہ بننے کی خواہش ظاہر کی تھی اور کہا تھا کہ میں اس فلم کا حصہ بننا چاہتا ہوں'۔ آر مادھون نے بتایا کہ پہلے انہیں لگتا تھا کہ شاہ رخ خان مذاق کر رہے ہیں۔ لیکن اپنی اہلیہ سریتا کے مشورے پر عمل کرتے ہوئے انہوں نے شاہ رخ خان کے مینیجر کو میسج کیا تھا ۔

فلم راکیٹری کے لیے شاہ رخ نے کوئی معاوضہ نہیں لیا

آر مادھون نے بتایا کہ جیسے ہی انہوں نے شاہ رخ خان کے مینیجر کو میسج کیا اور انہیں فوراً اس کا جواب بھی ملا۔ اس میسج میں شاہ رخ خان کے مینیجر نے لکھا تھا کہ' خان صاحب شوٹنگ کی تاریخیں پوچھ رہے ہیں' اور اس طرح شاہ رخ خان ہماری فلم کا حصہ بن گئے ہیں۔ اس کے لئے انہوں نے کوئی بھی معاوضہ نہیں لیا ۔یہ ہوتے ہیں بڑے لوگ۔ شاہ رخ خان اس فلم میں ایک صحافی کا رول ادا کریں گے وہ بھی بغیر کسی معاوضے کے'۔

فلم راکیٹری کے لیے شاہ رخ نے کوئی معاوضہ نہیں لیا

اس فلم کی تمام ذمہ داری آر مادھون نے نبھائی ہے۔ فلم کی کہانی، اس کی پروڈکشن اور ڈائریکشن اداکار نے خود کی ہے۔ یہ فلم دنیا بھر میں یکم جولائی کو ہندی، تیلگو، ملیالم، کنڑ سمیت چھ زبانوں میں ریلیز کی جائے گی۔