شاہ رخ خان نے بدھ کے روز ٹویٹر پر 13 سال مکمل کرلیے ہیں۔ اداکار نے 13 سال تک ٹویٹر کا صارفین بنے رہنے کی خوشی میں اپنے خیالات کا اشتراک بھی کیا۔ انہوں نے ایپ کے بارے میں نہ صرف اچھی چیزوں کی بات کی بلکہ ایپ سے جڑی کچھ 'کڑوی' یادوں کا بھی ذکر کیا۔ بدھ کی سہ پہر کو ایک ٹویٹ شیئر کرتے ہوئے سپراسٹار نے لکھا کہ " یاد آیا کہ ٹویٹر پر 13 سال ہو گئے ہیں۔ آپ کے ساتھ رہ کر اور فین کلبوں کا پیار پاکر بہت مزہ آیا۔ اس دوران خوب سارے نیک خواہشات، مشورے، لطیفے، امیدیں، بن مانگے مشورے ملے اور کچھ تلخ رویوں کا ساتھ ملا۔ حقیقی دنیا میں اچھی زندگی گزارنے کے لیے آپ سب کو میری طرف سے ڈھیر ساری دعائیں'۔ اس کے ساتھ انہوں نے پٹھان کے ہیش ٹیگ کا بھی استعمال کیا۔SRK Completes 13 Years on Twitter
شاہ رخ کے مداحوں اور فالوورز نے انہیں ٹویٹر پر 13 سال مکمل کرنے پر مبارکباد دی۔ ایک صارف نے لکھا کہ 'پیار اور مسکراہٹ بکھیرنے کے لیے شکریہ'۔ ایک مداح نے لکھا کہ 'ہمارا شکریہ ادا کرنے اور ان تمام محبتوں کی تعریف کرنے کے لیے اپنی زندگی کا ایک منٹ نکالنے کے لیے ہمیشہ آپ کا شکریہ، جس کے آپ مستحق ہیں، آپ کی ٹویٹ بہت معنی رکھتی ہے'۔
شاہ رخ اگلی بار فلم سدھارتھ آنند کی فلم پٹھان میں نظر آئیں گے۔ فلم میں دیپیکا پڈوکون اور جان ابراہم بھی ہیں۔ حال ہی میں، سنٹرل بورڈ آف فلم سرٹیفیکیشن (سی بی ایف سی) نے فلم کے پروڈیوسروں کو ہدایت کی تھی کہ وہ فلم اور اس کے گانے میں تبدیلیاں کریں اور اسے دوبارہ بورڈ کے سامنے پیش کریں۔