The Virgin Tree: سنجے دت کی ہارر کامیڈی فلم 'دی ورجن ٹری' میں مونی رائے اور پلک تیواری نظر آئیں گی

اداکار سنجے دت ایک ہارر کامیڈی فلم میں کام کرنے والے ہیں، جس کا نام دی ویرجن ٹری ہے۔ میکرز نے منگل کے روز فلم کا اعلان کیا۔ یہ فلم ایک ہارر کامیڈی ہے جس میں سنی سنگھ، مونی رائے، پلک تیواری اور آصف خان بھی کام کرنے والے ہیں۔The Virgin Tree

ممبئی: سنجے دت اپنی نئی فلم دی ورجن ٹری کے ساتھ آپ کو ہنسانے اور ڈرانے کے لیے آپ کے قریبی سنیما گھروں میں جلد آنے والے ہیں۔ سنجے اس ہارر کامیڈی ڈرامے میں مونی رائے، پلک تیواری، سنی سنگھ، آصف خان اور بیونک کے ساتھ اسکرین اسپیس شیئر کرتے نظر آئیں گے۔ فلم میں اداکاری کے علاوہ سنجے ، دیپک مکٹ کی سوہم راک اسٹار انٹرٹینمنٹ کے ساتھ اس فلم کو پروڈیوس بھی کررہے ہیں۔The Virgin Tree

فلم کے بارے میں مزید جانکاری دیتے ہوئے سنجے نے کہا کہ 'مجھے فلم کو پروڈیوس کرتے ہوئے خوشی ہو رہی ہے کیونکہ فلم کی اسکرپٹ بالکل ویسی تھی جس کی مجھے تلاش تھی۔ یہ فلم کامیڈی اور ہارر کا بہترین امتزاج ہے، جس میں خوف اور مزاح کا توازن موجود ہوگا۔ دیپک مُکٹ میں ایک پروڈکشن پارٹنر ملنے پر بہت خوشی ہوئی جن کا سینمائی نظریہ اور سوچ میرے سے میل کھاتا ہے'۔

63 سالہ اداکار نے کہا کہ ' میں ہمیشہ سے انڈسٹری میں نوجوان نئے ٹینلنٹ کی حوصلہ افزائی کرنا چاہتا تھا اور اس فلم کے ساتھ ہمیں نئے ہنر مند ڈائریکٹر کو لانچ کرنے کا موقع ملا۔ انہوں نے ایک بہترین کاسٹ کو فلم میں شامل کیا ہے اور میں ان کے لیے بہترین وقت اور شاندار شوٹنگ کے لیے نیک خواہشات کا اظہار کرتا ہوں'۔

اداکار اور پروڈیوسر کی تعریف کرتے ہوئے دیپک مُکٹ کہتے ہیں کہ 'سنجے دت سنیما کی میراث ہیں۔ ان میں، میں نے ایک ایسا شخص پایا ہے جو میرے اپنے تخلیقی نقطہ نظر کے مطابق ہے۔ میرا ماننا ہے کہ دی ورجن ٹری ایک ایسی فلم ہے، جس میں لوگوں کی تفریح فراہم کرانے کے تمام عناصر موجود ہے۔ فلم میں پیٹ پکڑ کر ہنسانے والا مزاح موجود ہے جو آپ کو ڈرائے گا بھی'۔

دیپک مُکٹ نے مزید کہا کہ ' دت کے ساتھ میری وابستگی فلم کو مزید خاص بناتی ہے۔ ہم نے جو تصور کیا ہے اسے دکھانے کے لیے میں بے صبری سے انتظار کر رہا ہوں۔ یہ ایک ایسی کہان ہے جو اس بات کو یقینی بناتی ہے کہ ناظرین کا فلم دیکھتے وقت اچھا وقت گزرے'۔

سدھانت سچدیو کو دی ورجن ٹری کی ہدایت کاری کی ذمہ داری دی گئی ہے۔سچدیو کہتے ہیں کہ 'یہ میرے لیے ایسا موقع ہے جس کے میں خواب دیکھا کرتا تھا۔ میں سنجے سر کا مجھ پر بھروسہ کرنے کے لیے اور دیپک مکٹ سر کا میرے وژن کی حمایت کرنے کے لیے بہت مشکور ہوں۔