MM Keervani on winning Oscar آر آر آر جیت گئی، آسکر جیتنے پرمیوزک کمپوزرایم ایم کیروانی کا ردعمل

میوزک کمپوزر ایم ایم کیروانی نے ناٹو ناٹو کے لیے اپنا پہلا آسکر ایوارڈ جیتا۔ ایوارڈ کو قبول کرتے ہوئے کیروانی بے حد پرسکون نظر آئے اور انہوں نے امریکی گلوکار جوڑی 'کارپینٹرز' کے گانے 'ٹاپ آف دی ورلڈ' کو اپنے انداز میں پیش کیا۔ انہوں نے گاتے ہوئے انداز میں کہا وہ ناٹو ناٹو کے لیے آسکر جیتنے پر ایسا محسوس کر رہے ہیں کہ وہ دنیا کی بلندیوں پر پہنچ گئے ہیں۔

فلم آر آر آر کے گانے ناٹو ناٹو نے آسکر میں بہترین اوریجنل گانے کا ایوارڈ جیتا۔ ایوارڈ لینے کے بعد ایم ایم کیروانی بے حد خوش نظر آئے کیونکہ ان کے اس گانے نے آسکر ایوارڈ جیت کر بھارت کے لوگوں میں مسکراہٹ و خوشی بکھیر دی ہے۔ کیروانی نے کہا کہ 'اس گانے کو جیتنا ہی تھا اور اس وجہ سے ابھی میں دنیا کی بلندیوں کو چھو رہا ہوں'۔ MM Keervani on winning Oscar

ایس ایس راجامولی کے فلم کے گانے ناٹو ناٹو کو پلے بیک گلوکار کال بھیروا اور راہل سپلی گنج نے آسکر اسٹیج پر ایک ڈانس گروپ کے ساتھ پرفارم کیا۔ اس پرفارمنس کے بعدہ آریجنل گانے کے آسکر ایوارڈ کا اعلان کیا گیا۔ یہ ایوارڈ ایم ایم کیروانی اور نغمہ نگار چندر بوس کو دیا گیا۔

کیروانی نے ایوارڈ کو قبول کرتے ہوئے اپنی تقریر میں 'مشہور امریکی گلوکار جوڑی کارپینٹر کے گانے ٹاپ آف دی ورلڈ کو اپنے انداز میں گایا۔ میوزک کمپوزر نے یہ بھی بتایا کہ آسکر جیتنے پر انہیں کیسا محسوس ہورہا ہے۔

کیروانی نے آسکر 2023 میں کہا کہ 'شکریہ اکیڈمی۔ میں کارپینٹر کو سن کر بڑا ہواں ہوں۔۔ اور میں یہاں اب آسکرز میں ہوں۔ میرے ذہن میں میں صرف ایک ہی خواہش تھی۔۔ راجامولی اور میرے خاندان کی بھی یہی خواہش تھی۔۔ آر آر آر ہر بھارتی کا فخر ہے۔ آپ کا شکریہ'۔ میوزک کمپوزر کے ساتھ اسٹیج پر ناٹو ناٹو کے گیت نگار چندربوس بھی موجود رہے۔

ناٹو ناٹو نے 95 ویں آسکر میں تاریخ رقم کی کیونکہ یہ بہترین اوریجنل گانے کے زمرے میں پہلا ایوارڈ ہے جو کسی بھارتی گانے کو ملا ہے۔ اس گانے کو کال بھیروا اور راہل سپلی گنج نے آواز دی ہے اور اسے آر آر آر کے معروف اداکار جونیئر این ٹی آر اور رام چرن پر فلمایا گیا ہے۔ اس گانے کو پریم رکشتھ نے کوریوگراف کیا ہے۔