RRR OTT Release: فلم آر آر آر او ٹی ٹی پر ریلیز ہونے کو تیار

ایس ایس راجامولی کی ہدایت کاری میں بنی بلاک بسٹر فلم 'آر آر آر کو جلد ہی او ٹی ٹی پلیٹ فارم پر فلمی شائقین کے لیے ریلیز کردیا جائے گا۔ RRR OTT Release

حیدرآباد: جونیئر این ٹی آر اور رام چرن کی فلم 'آر آر آر' کو 20 مئی کو زی 5 پر ریلیز کردیا جائے گا۔ ایس ایس راجامولی کی ہدایت کاری میں بننے والی فلم نے باکس آفس پر اپنی کامیابیوں کے نئے ریکارڈ قائم کردیے ہیں۔ اب فلم باکس آفس پر زبردست کمائی کرنے کے بعد او ٹی ٹی پلیٹ فارم پر ریلیز ہوگی۔ حالانکہ فلم کے پروڈیوسرز نے آر آر آر کے او ٹی ٹی پلیٹ فارم پر ریلیز کی تفصیلات کو پوشیدہ رکھا ہوا ہے لیکن امید ہے کہ وہ جلد ہی اس باضابطہ طور پر اعلان کردیں گے۔ RRR OTT Release

یہ فلم او ٹی ٹی پلیٹ فارم پر تیلگو، تمل، ملیالم اور کنڑ زبان میں دستیاب ہوگی، فلم کا ہندی ورژن جلد ہی ریلیز کیا جائے گا۔ اس بلاک بسٹر فلم میں عالیہ بھٹ، اجے دیوگن، سموتھیرکانی، اولیویا مورس، شریا سرن اور دیگر اداکار نے اداکاری کی ہے۔ اس فلم کو ڈی وی وی دانیا نے پروڈیوس کیا ہے، وہیں ایم ایم کیروانی نے فلم کی موسیقی ترتیب دی ہے۔