Ranveer Vs Wild With Bear Grylls trailer:رنویر ورسس وائلڈ ود بیئر کا ٹریلر ریلیز، رنویر سنگھ ' ایڈونچر اوتار' میں

نیٹفلکس انڈیا نے جمعہ کے روز رنویر ورسس وائلڈ ود بیئر گرلز کا ٹریلر ریلیز کردیا ہے۔ ٹریلر میں رنویر مکمل طور ' ایڈیونچر اوتار' میں نظر آرہے ہیں۔ Ranveer Vs Wild With Bear Grylls trailer:

ممبئی: بالی ووڈ اسٹار رنویر سنگھ نیٹفلکس انڈیا سے او ٹی ٹی پلیفٹ پر اپنا پہلا قدم رکھنے کے لیے بالکل تیار ہیں۔ جمعہ کے روز نیٹفلکس نے رنویر ورسس وائلڈ ود بیئر گرلز کا ایک نیا ٹریلر جاری کیا ہے۔ آرام اور سکون دہ زندگی سے دور جنگل کے خطروں اور دشواریوں میں زندہ رہنے کی کوششوں پر مبنی اس شو کا پریمیئر 8 جولائی کو ہوگا۔Ranveer Vs Wild With Bear Grylls trailer:

ٹریلر میں رنویر سنگھ کو ایڈونچرر اور ہوسٹ بیئر گرلز کے ساتھ جنگل کے خطروں سے لڑتے ہوئے دیکھا جاسکتا ہے۔ ویڈیو میں رنویر کو اپنی اہلیہ و اداکار دیپیکا پڈوکون کے لیے ایک خاص پھول توڑتے ہوئے بھی دیکھا جاسکتا ہے۔ ویڈیو میں رنویر یہ بولتے نظر آتے ہیں کہ ' پیار کے لیے لوگ چاند تارے توڑ کے لاتے ہیں، میں دیپیکا کے لیے ایک پھول توڑ کے لانے والا ہوں۔ وہ بہت خاص پھول ہے۔ وہ کبھی مرتا نہیں ہے، بالکل میرے پیار کی طرح'۔

ٹریلر میں یہ بھی دکھایا گیا ہے کہ رنویر اور بیئر اونچے پہاڑوں، تنگ غاروں اور خطرناک جنگل کو کیسے بہادری سے پار کرتے ہیں۔ صرف اتنا ہی نہیں خطرے سے بھرے اس وقت میں بھی رنویر اتنہائی مزاحیہ انداز میں نظر آرہے ہیں۔ اکشے کمار، وکی کوشل اور وزیر اعظم نریندر مودی کے بعد اب رنویر سنگھ گرلز کے ساتھ اس مہم جوئی اور سنسنی خیز سفر پر نکل پڑے ہیں۔

واضح رہے کہ رنویر کو حال ہی میں ' جئیش بھائی جوردار' میں دیکھا گیا تھا۔ ان کی آئندہ فلموں میں روہت شیٹی کی فلم 'سرکس'، جس میں وہ جیکلین فرنانڈیز اور پوجا ہیگڑے کے ساتھ نظر آئیں گے اور کرن جوہر کی فلم' راکی اور رانی کی پریم کہانی' شامل ہے۔ جس میں وہ عالیہ بھٹ کے ساتھ نظر آنے والے ہیں۔