حیدرآباد: دیپیکا پڈوکون نے انسٹاگرام پر آسکر 2023 میں ایوارڈ پیش کرنے والوں کی ایک فہرست شیئر کرتے ہوئے اپنے مداحوں کو ایک بڑی خبر دی ہے۔ بھارتی اداکارہ کا بھی نام ان کئی مشہور شخصیات کی فہرست میں شامل ہے جو آسکر تقریب میں جیتنے والوں کو ایوارڈ پیش کریں گے۔ 95 ویں اکیڈمی ایوارڈز 12 مارچ (بھارت میں 13 مارچ) کو منعقد ہوگا۔ اداکارہ نے انسٹاگرام پر اپنے مداحوں کو اس خوشخبری سے آگاہ کیا۔Oscars 2023
دیپیکا کے شوہر رنویر سنگھ جو کبھی بھی اپنی اہلیہ کے تئیں اپنی محبت اور حمایت کا اظہار کرنے سے پیچھے نہیں ہٹتے، آسکر کے لیے بطور پریزنٹر منتخب ہونے پر انہیں مبارکباد دی ہے۔ رنویر نے دیپیکا کے پوسٹ پر ردعمل ظاہر کرتے ہوئے 'تالیاں بجانے والے ایموجیز شیئر کیے ہیں'۔ دیپیکا پڈوکون کی بہن انیشا پڈوکون نے بھی اس پوسٹ پر تبصر کیا۔ مداحوں نے بھی دیپیکا کے پوسٹ پر تبصرہ کرتے ہوئے انہیں مبارکباد دی۔
ایک مداح نے لکھا کہ ' پیاری دیپیکا کو پٹھان کے لیے 1000 کروڑ اور آسکر ایوارڈ پیش کرنے پر مبارکباد'۔ ایک اور نے لکھا کہ 'اسے کہتے ہیں دنیا پر راج کرنا'۔ ان میں سے ایک مداح نے لکھا ' دیپیکا پڈوکون کے بارے میں آج سے 10 سال بعد پڑھا جائے گا۔۔ وہ خاموشی سے اپنا کام کرتی ہیں اور اس چیز سے مجھے ان پر فخر ہوتا ہے۔ اس کے علاوہ مجھے یہ بات پسند ہے کہ انہوں نے یہ سب اپنی شرائط پر کیا ہے۔ ابھی ہمیں ایک اور طویل راستہ طئے کرنا ہے، یہ صرف شروعات ہے'۔