Ranveer Singh Emotional Video بہترین اداکار کا ایوارڈ لیتے ہوئے رنویر سنگھ کی آنکھوں سے چھلکے آنسو

رنویر سنگھ نے سوشل میڈیا پر فلم فیئر ایوارڈ تقریب سے ایک ویڈیو شیئر کی ہے، جس میں وہ ایوارڈ لیتے ہوئے جذباتی نظر آرہے ہیں۔ رنویر کی اس پوسٹ نے سوشل میڈیا صارفین کا دل جیت لیا ہے اور لوگ جم کر اس پوسٹ پر تبصرہ کر رہے ہیں، لیکن ان سب میں سے اچھا تبصرہ ان کی سالی انیشا پڈوکون نے کیا۔ Ranveer Singh Emotional Video

حیدرآباد (تلنگانہ): اداکار رنویر سنگھ حال ہی میں بہترین اداکار کا فلم فئیر ایوارڈ لیتے ہوئے جذباتی ہوگئے تھے۔ اداکار نے ہفتے کے روز اس تقریب کی ایک ویڈیو سوشل میڈیا پر شیئر کی ہے جس میں ان کی آنکھوں سے آنسوؤں جھلکتے نظر آرہے ہیں۔کیونکہ انہیں یقین نہیں ہورہا ہے کہ جو خواب وہ دیکھا کرتے تھے اسے وہ حقیقت میں جی رہے ہیں۔Ranveer Singh Emotional Video

رنویر سنگھ نے ممبئی میں ہونے والے 67 ویں فلم فیئر ایوارڈز میں اپنے کرکٹ ڈرامے 83 کے لیے لیڈ رول (مرد) میں بہترین اداکار کا ایوارڈ جیتا۔ رنویر نے ’بلیک لیڈی‘ کو قبول کرتے ہوئے ایک جذباتی تقریر دی ۔ اداکار نے اپنی کامیابی کا سہرا اپنے خاندان کو دیا اور یہ بھی کہا کہ وہ 'دپیکا پڈوکون کی وجہ سے طاقتور محسوس کرتے ہیں'۔

رنویر نے ایوارڈ لینے کے بعد اپنی تقریر میں کہا کہ میری زندگی میں جو کچھ بھی ہوتا ہے وہ میرے تصور سے باہر کی چیز ہے۔ بہت بار مجھے یقین نہیں ہوتا کہ میں اس میدان میں ہو، یہ کر رہا ہوں اور آپ سب کے سامنے کھڑا ہوں۔ مجھے ہر روز یقین نہیں آتا کہ میں اداکار بن گیا، یہ ایک معجزہ ہے۔

اداکار نے کہا کہ آج وہ جو کچھ بھی ہیں اپنے والدین اور بہن کی وجہ سے ہیں۔ "وہ میرے بھگوان ہیں۔ میں جو کچھ بھی کرتا ہوں وہ ان کے لیے کرتا ہوں اور آج میں جو کچھ بھی ہوں ان کی وجہ سے ہوں''۔ رنویر نے اپنی اہلیہ دیپیکا کو لکشمی بتاتے ہوئے کہا کہ 'لکشمی دیوی میرے گھر میں ہیں، یہ میری کامیابی کا راز ہے۔

رنویر کی اس پوسٹ نے سوشل میڈیا صارفین کا دل جیت لیا ہے اور لوگ جم کر اس پوسٹ پر تبصرہ کر رہے ہیں۔ لیکن ان سب میں سے اچھا تبصرہ ان کی سالی انیشا پڈوکون نے کیا ہے۔ دیپیکا کی چھوٹی بہن نے لکھا کہ ' پیاز کون کاٹ رہا ہے'۔

واضح رہے کہ فلم 83 میں رنویر نے کپل دیو کا کردار ادا کیا، یہ فلم باکس آفس پر زیادہ کامیاب نہیں رہی لیکن بطور اداکار رنویر کو کافی پذیرائی ملی۔ فلم فیئر سے پہلے رنویر کو انڈین فلم فیسٹیول آف میلبورن (IFFM) 2022 میں 83 میں ان کی اداکاری کے لیے بہترین اداکار کا ایوارڈ دیا گیا تھا۔