Randeep Hooda Lose Weight for Swatantra Veer Savarkar: رندیپ ہڈا نے اپنی آئندہ فلم کے لیے وزن کم کیا، مداح ہوئے حیران

بالی ووڈ اداکار رندیپ ہڈا نے اپنی آئندہ فلم سواتنتر ویر ساورکر کے لیے اپنا وزن کم کیا ہے۔ انسٹاگرام اکاؤنٹ پر انہوں نے اپنی ایک مرر سیلفی شیئر کی ہے جس میں حیرت انگیز تبدیلی دیکھنے کو مل رہی ہے۔Randeep Hooda Lose Weight for Swatantra Veer Savarkar

ممبئی: بالی ووڈ کی بہترین اداکاروں میں سے ایک رندیپ ہڈا اپنی اداکاری میں جان پھونکنے میں کوئی کس نہیں چھوڑتے ہیں۔ اداکار فلم کے کردار کے ساتھ انصاف کرنے کے لیے ہر ممکن کوشش کرتے ہیں۔ حال ہی میں انہوں نے اپنی آئندہ بایوپک فلم 'سواتنتر ویر ساوکر' میں اپنے کردار کے لیے وزن گھٹایا ہے۔ سوشل میڈیا پر شیئر کی گئی تصاویر میں اداکار کا غضب کا ٹرانفرمیشن دیکھنے کو مل رہا ہے۔Randeep Hooda Lose Weight for Swatantra Veer Savarkar

رندیپ ہوڈا نے انسٹاگرام اکاؤنٹ پر اپنی مرر سیلفی شیئر کی ہے، جس میں بالکل بدلے ہوئے نطر آرہے ہیں۔ ان کا نیا روپ دیکھ کر مداح حیران ہیں۔اس تصویر میں اداکار کافی فٹ نظر آرہے ہیں۔ ساتھ ہی انہیں کالے رنگ کے سینڈو کے ساتھ نیلے رنگ کے پاجامے میں دیکھا جاسکتا ہے۔۔ اس کے ساتھ انہوں نے کالے چشمہ اور ٹوپی بھی پہن رکھی ہے۔ یہ تصویر منظر عام پر آتے ہی چھا گئی ہے۔ مداحوں کی جانب سے اس تصویر کو کافی پسند کیا جارہا ہے۔

رندیپ نے ان تصویر کو شیئر کرتے ہوئے لکھا کہ 'ہم سب کو کبھی کبھی لفٹ کی ضرورت ہوتی ہے۔' غور طلب ہے کہ اس سے قبل اطلاع ملی تھی کہ اداکار نے اس کردار کے لیے اپنا وزن 15 کلو کم کیا ہے۔ لیکن اب بتایا جارہا ہے کہ اس کردار کے لیے رندیپ نے مزید 10 کلو وزن اور کم کیا ہے۔ اداکار نے کل 25 کلو وزن کم کیا ہے۔ حالانکہ رندیپ کو وزن کم کرنے اور بڑھانے میں مہارت حاصل ہے۔ اس سے قبل انہوں نے فلم ’سربجیت‘ کے لیے بھی وزن کم کیا تھا۔

واضح رہے کہ اس فلم کی ہدایتکاری مہیش منجریکر کر رہے ہیں۔ پروڈیوسر سندیپ سنگھ اور آنند پنڈت فلم کو پروڈیوس کررہے ہیں۔