ممبئی: نیتو کپور اور رشی کپور کے صاحب زادی رنبیر کپور اپنی 40 ویں سالگرہ منا رہے ہیں۔ رنبیر 28 ستمبر 1982 کو بالی ووڈ کے سب سے مشہور کپور خاندان میں پیدا ہوئے۔ اپنی فلم ساوریہ سے میڈیا کی نظروں میں رہنے والے رنیبر کپور اپنی فلموں کے ساتھ اپنی معاون اداکارہ سے رشتے کی وجہ سے کافی سرخیوں میں رہے ہیں۔کپور خاندان کی چوتھی نسل کے اداکار رنبیر کپور اپنی شاندار اداکاری سے ناظرین کے دل جیتنے میں کامیاب ہو گئے۔ رنبیر اداکارہ عالیہ بھٹ کے شوہر ہیں اور جلد ہی باپ بننے والے ہیں۔ ان کی سالگرہ پر ہم ان کی بہترین فلموں پر نظر ڈالیں گے۔
ساوریہ: انہوں نے بطور اداکار اپنے کیریئر کا آغاز فلم ساوریہ سے کیا۔ سال 2007 میں ریلیز ہونے والی سنجے لیلا بھنسالی کی فلم 'ساوریہ' میں سونم کپور نے بھی بالی ووڈ میں قدم رکھا تھا۔ ، یہ فلم شائقین کو زیادہ پسند نہیں آئی اور باکس آفس پر ناکام رہی۔ لیکن انہیں فلم کے بہترین ڈیبیو کے ایوارڈ سے نوازا گیا۔
عجب پریم کی غضب کہانی: یہ ایک کامیڈی رومانوی فلم 2009 میں ریلیز ہوئی۔ اس میں رنبیر کپور اور کترینہ کیف نے مرکزی کردار ادا کیے تھے۔ اس فلم میں سلمان خان کیمیو رول میں نظر آئے تھے۔ ہدایت کار راجکمار سنتوشی کی فلم 6 نومبر 2009 کو سینما گھروں میں نمائش کے لیے پیش کی گئی۔ فلم نے باکس آفس پر اچھی کامیابی حاصل کی۔
ویک اپ سڈ: رنبیر کپور کی کامیڈی ڈرامہ فلم سال 2009 میں ریلیز ہوئی۔ آیان مکھرجی کی ہدایتکاری میں بنی یہ فلم نوجوانوں کی پہلی پسند ہے۔ یہ فلم باکس آفس پر کامیاب ثابت ہوئی۔ فلم رنبیر کپور کے ساتھ کونکنا سین شرما بھی نظر آئی تھیں۔
یہ جوانی ہے دیوانی: سال 2013 میں ریلیز ہونے والی اس فلم کو نوجوان نسل کی جانب سے خوب پذیرائی ملائی۔ اس فلم کا ڈائیلاگ ' میں اڑنا چاہتا ہوں، دوڑنا چاہتاہوں، گرنا بھی چاہتا ہوں لیکن رکنا نہیں چاہتا' لوگوں کو آج بھی یاد ہے۔فلم کے پروڈیوسر کرن جوہر ہیں اور فلم کے ہدایتکار آیان مکھرجی ہیں۔ اس فلم میں رنبیر کپور کے ساتھ اداکارہ دیپیکا پڈوکون مرکزی کردار میں نظر آئیں۔ اس فلم میں ادتیہ رائے کپور اور کالکی معاون اداکارہ کے طور پر نظر آئی۔