Ranbir-Alia wedding: رنبیرکپور کی جوہو رہائش گاہ پر شادی کی تیاریاں شروع

بدھ کے روز سے جوہو میں واقع رنبیر کپور کی رہائش گاہ پر سخت حفاظتی انتظامات کے درمیان شادی سے پہلے ہونے والی تقریبات کا آغاز ہوگیا ہے۔ اطلاع کے مطابق شادی سے پہلے یہ جوڑا آنجہانی اداکار رشی کپور کی یاد میں ایک پوجا منعقد کرنے والا ہے، اس کے بعد ہی تمام تقریبات منعقد کی جائیں گیں۔ Ranbir-Alia wedding

اداکار رنبیر کپور کے گھر کے باہر حفاظتی انتظامات کیے جا رہے ہیں کیونکہ عالیہ بھٹ کے ساتھ ان کی شادی کی تقریبات آج سے شروع ہونے والی ہے۔ بدھ کے روز، رنبیر کی باندرہ رہائش گاہ واستو کے باہر کئی سیکورٹی گارڈز دیکھے گئے۔ رنبیر کے گھر کے مرکزی دورازے کے باہر بیریکیڈس بھی لگائے گئے ہیں تاکہ تمام چیزیں آسانی سے ہوسکیں۔ Wedding Festivities Started at RK's House۔ گارڈز کو ہلدی کی تقریب کے لیے گھر میں داخل ہونے والے مہمانوں کے فون کیمروں پر گلابی رنگ کے اسٹیکرز لگاتے ہوئے بھی دیکھا گیا۔ رنبیر کی رہائش گاہ سمیت عالیہ کے گھر کو کل ہلکے گلابی اور سنہری روشنیوں سے سجایا گیا تھا۔ رنبیر کی بہن ردھیما کپور سہانی بھی اپنے بھائی کی شادی کی افواہوں کے درمیان ممبئی پہنچ گئی ہیں۔ Ranbir and Alia's House all Decked Up for Wedding

اطلاع کے مطابق رنبیر اور عالیہ کی شادی کی تقریبات 13 اپریل سے شروع ہوگی۔ پہلے دن رنبیر کپور کے والد اور آنجہانی اداکار رشی کپور کی یاد میں پوجا کی جائے گی اور اس کے بعد مہندی کی تقریب سے تمام رسم و رواج شروع کیے جائیں گے۔ بدھ کی صبح قریبی رشتہ دار رنبیر کے گھر پہنچنا شروع ہوگئے ہیں۔ رنبیر کی والدہ نیتو کپور اور دیگر رشتہ دار ایک ایئر کنڈیشنڈ وین میں رنبیر کے گھر پہنچے ہیں۔

اطلاع کے مطابق اس سال کی بالی ووڈ کی سب سے بڑی شادی کی تقریبات چار دن تک جاری رہنے والی ہے۔ حالانکہ جوڑی نے ابھی تک اپنی شادی کے بارے میں خاموشی اختیار کی ہوئی ہے۔ پیر کے روز رنبیر کے گھر پر ایک کار دیکھی گئی ہے اور امید ظاہر کی جارہی ہے کہ اس کار میں دلہا اور دلہن کے کپڑے ہیں۔ اطلاع یہ بھی ہے کہ یہ جوڑا مشہور ڈیزائنر سبھیا ساچی کے ڈیزائن کردہ لباس کو اپنی شادی کے لیے زیب تن کرنے والا ہے۔ واضح رہے کہ بالی ووڈ کے اس جوڑی کی محبت کی کہانی آیان مکھرجی کی فلم برہمسترا کی شوٹنگ سیٹ سے شروع ہوئی ہے۔